2017 oqý jylǵy áskerlerdiń qorytyndy tekserýdi tapsyrýy sheńberinde QR QK Áýe qorǵanysy kúshteri bas qolbasshysy basqarmasynyń komıssııasy Almaty, Aqtaý jáne Semeı garnızondarynyń áskerı bólimderin tekserýde. Bul týraly Qorǵanys mınıstrligi habarlady.
Avıasııanyń jaýyngerlik ázirliginiń shynaıy jaı-kúıin anyqtaý úshin QR QK ÁQK ÁÁK 53975, 30153, 54865 áskerı bólimderi armııalyq avıasııasynyń bir-bir eskadrılıasy dabyl belgisi boıynsha kóterildi.
Tekserý barysynda ushý quramy pılotajdaý mashyǵy, nysanaǵa dóp shyǵý sheberligi, shartty qarsylasty joıý, sondaı-aq jaýyngerlik qoldanýǵa ushýlardy oryndaý boıynsha baǵalandy.
«Qazaqstan» polıgonynda UH1-II Hıýı túngi kórý avıasııalyq kózildirikterin qoldana otyryp, desantty shyǵarýmen jerdi barlaýdy oryndady. Avıasııalyq kózáınekter shekteýli kórinýdiń túngi jaǵdaılarynda tikushaqty basqarý úshin arnaıy daıyndalǵan. Avıasııalyq qarý-jaraqty jaýyngerlik qoldanýdy qosa eseptegende, ushýdy, qonýdy jáne ózge de operasııalardy qamtamasyz etýge múmkindik beredi. Mundaı jaǵdaılardaǵy pılotaj ushý quramyn daıyndaýdyń kúrdeli elementteriniń biri bolyp tabylady.
Armııalyq avıasııa ushqyshtary basqarylmaıtyn avıasııalyq zymyrandardyń iske qosylýyn júzege asyrdy. Árbir zymyran, bomba jáne snarıad óz mejesine qol jetkizdi, shartty qarsylas joıyldy. Ushý quramy tapsyrmany «úzdik» degen baǵaǵa oryndady.
Sonymen birge, Mı-17 tikushaqtarynyń ekıpajdary kúndizgi jáne túngi jaǵdaılarda ushýlardy oryndady. Jaryqshaqty-fýgasty avıasııalyq bombalarmen kózdep bomba laqtyrý oryndaldy, basqarylmaıtyn avıasııalyq zymyrandardyń iske qosylýy iske asyryldy, sondaı-aq atys-zeńbirektik qarý-jaraq qoldanyldy.
Sonymen qatar komıssııa jaýyngerlik kezekshiliktiń atqarylýynyń uıymdastyrylýyn, jaýyngerlik daıarlyqty, ushýlardyń jerústi qamtamasyz etilýin, materıaldyq-tehnıkalyq qamtamasyz etilýin, ınjenerlik-tehnıkalyq quram men baılanys mamandarynyń jumysyn tekserdi.
Qorytyndy tekseris kórsetilgen bólimshelerdiń ushý quramy jaýyngerlik tapsyrmalardy oryndaý úshin ázir jáne memlekettiń áýe shepterin kúzetý jónindegi qoıylǵan tapsyrmalardy oryndaı alatynyn kórsetti.