Orta salmaqta WBA (Super), IBO, WBC jáne IBF tujyrymdary boıynsha álem chempıony qazaqstandyq boksshy Gennadıı Golovkın (37-0-1, 33 KO) Búkilálemdik boks keńesiniń (WBC) Meksıkadaǵy elshisi atandy. Bul týraly keńestiń prezıdenti Maýrısıo Sýleıman aıtty.
"Golovkın qazan aıynda Meksıkaǵa kelip, birneshe is-sharaǵa qatysady. Qazir ol otbasymen birgen. Golovkın - jastarǵa úlgi tutatyn boksshy. Ol buǵan deıin eshqashan janjaldyń ortasynda qalmaǵan. Biz ony maqtan tutamyz. Sondyqtan ol bizdiń Meksıkada elshimiz bolady", deıdi Sýleıman Boxingscene.com portalyna bergen suhbatynda.
Aıta keteıik, Bakýde ótip jatqan WBC keńesinde Golovkın "Jyl adamy" atanǵan bolatyn.