Reseıde jol apatynan aman qalǵan avtobýs júrgizýshisi jaqyn arada úıge oralady, dep habarlaıdy QR SIM baspasóz qyzmeti.
«Tergeý júrip jatyr. Aman qalǵan qazaqstandyq júrgizýshi kýáger retinde jaýap berýde, sondyqtan taǵy birneshe kún Reseıde bolady. Ol aýyr jaraqat alǵan joq», dep málimdedi baspasóz qyzmetinen.
SIM, sondaı-aq, qaza tapqan júrgizýshiniń denesi Qazaqstanǵa jaqyn arada jetkiziletinin habarlady.
«Qazirgi tańda qazaqstandyq dıplomattar marqumnyń týǵan-týysqandarymen baılanysta, uıymdastyrýshylyq máseleler sheshilip jatyr», - dep túsindirdi SIM-nen.
Esterińizge sala ketsek, jol apaty 6 qazan kúni jergilikti ýaqytpen 03:39-da Pokrov temirjol stansasynda boldy. Aldyn ala málimetter boıynsha, avtobýs júrgizýshisi qyzyl shamdy elemeı, temirjol ótkeline shyǵyp ketken. Saldarynan Sankt-Peterbýrg – Tómengi Novgorod baǵytynda kele jatqan poıyzǵa soǵyldy. Apat saldarynan kem degende 17 adam qaza tapty.
«Sońǵy málimet boıynsha, Reseıdiń Vladımır oblysyndaǵy jol apaty kezinde jolaýshylar avtobýsynda О́zbekstannyń 55 azamaty men eki júrgizýshi – Qazaqstan azamattary bolǵan, olardyń biri kóz jumdy, ekinshisi Pokrov qalasyndaǵy ýaqytsha ornalastyrý pýnktinde», - dep jazǵan edi QR IIM resmı ókili Ánýar Jaınaqov Facebook-tegi paraqshasynda.