Astanada Elbasynyń «Bolashaqqa baǵdar: rýhanı jańǵyrý» atty maqalasynda kórsetilgen latyn qarpine kóshý máselesin qoldaý maqsatynda «Like Latin in Qazaqstan» naýqany uıymdastyryldy.
Qazaq tilin kırıllısadan latyn tiline kóshirýdi qoldaýǵa baǵyttalǵan halyqaralyq foto-naýqanǵa ınternet qoldanýshylary 300 den astam sýret jiberip, 25 000 ret unatý batyrmasyn basqan.
Bir aı ishinde baıqaýǵa Qazaqstannyń barlyq óńirlerinen, sondaı-aq Sıngapýr, Reseı, AQSh, Ulybrıtanııa, Fransııa sekildi elderden jumystar kelip tústi. Naýqannyń basty sharty – sýrette latyn qarpimen jazylǵan qazaq tilindegi sóz beınelený kerek.
Ádil qazylardyń sheshimi boıynsha baıqaýdyń jeńimpazy Natalıa Rýdenko esimdi azamatsha atandy. Ekinshi oryndy Nazıra Birman enshiledi. Al Jamılıa Sársenbaı esimdi qatysýshy úshinshi oryndy qanjyǵasyna baılady.
«Sýretterdiń barlyǵy izgi nıetpen túsirilgeni sezilip tur. Tańdaýymyzdyń nelikten osy úsh jumysqa túskeni aıdan anyq dep oılaımyn. Bizder basymdyqty ulttyq naqysh pen naýqan mindetteriniń oryndalýyna berdik», dedi SOVAS Azamattyq keńesiniń negizin qalaýshy Tımýr Ilııasov.
Foto-naýqanǵa qatysý úshin əleýmettik jelilerdiń paıdalanýshylary #LikeLatinInQazaqstan heshtegi bar sýretterin jarııalap, ony 3 dosyna arnaıy bólisý kerek eken. Uıymdastyrýshylardyń aıtýynsha, baıqaýǵa qatysqan jumystardyń ishinde Qazaq tili, Qazaqstan, Qazaq eli, Qazaq sózderi men QZ abbrevıatýrasy kóptep kezdesedi.
Qazaq əlipbıin latyn əlipbıine kóshirý 2050 jylǵa deıingi Qazaqstannyń damý strategııasynyń mindetteriniń biri ǵana emes. Bul dúnıejúzilik damýdyń teń quqyly qatysýshysy bolýǵa umtylatyn jalpy elimizdiń jańa kezeńi, deıdi uıymdastyrýshylar
«Búginde latyn əlipbıi kóptegen əlemdik tilderdiń grafıkalyq negizine aınaldy. Ol aldyńǵy qatarly bilim əlemine, ǵylymı jetistikterge, tehnologııalyq progreske jəne adamdardyń sıfrlyq qarym-qatynasyna tereze boldy. Kelip túsken jumystarǵa baǵa berýdi ádil qazylar alqasyna tapsyrdyq. Naýqanǵa jastardyń belsene qatysýy bizdi qýantyp otyr. «Bolashaq» baǵdarlamasy boıynsha bilim alyp júrgen stýdentter elden alys júrse de, týǵan jerde bolyp jatqan jańalyqqa iltıpat bildirip qatysty», dedi «Qazaqstan-2050» jalpyulttyq qozǵalysynyń atqarýshy dırektory Oljas Abýov.
Ádil qazylar quramynda Qozǵalys Keńesiniń músheleri, Astana qalasynyń azamattyq Keńesiniń belsendileri, shaqyrylǵan qonaqtar men qoǵamdyq qaıratkerler boldy.
«Qazaqstan-2050» qozǵalysynyń bastamasy boıynsha foto-naýqan Facebook jəne Instagram əleýmettik jelilerinde ótti. Eń kreatıvti fotosýretterdiń avtorlaryna 3 zamanaýı ekshn-kameralar tabystaldy.
I-oryn
II-oryn
III-oryn
Aıgúl ShERNIIаZ,
«Egemen Qazaqstan»