Qurmetti Nursultan Ábishuly! Abaıdy alǵash tanyǵan alashtyqtar edi. Onyń tuńǵysh ǵylymı ómirbaıanyn jazǵan Álıhan Bókeıhanov bolatyn. Abaıdyń qazaqtyń bas aqyny ekenin ádebıet teorııasy turǵysynan dáleldegen Ahmet Baıtursynov edi.
Qymbatty Nursultan Ábishuly, Siz HHI ǵasyrdaǵy qazaq qoǵamynyń, ulttyq qaıta órleý dáýiriniń, onyń rýhanı jańǵyrýynyń basynda tursyz! Sonyń aıqyn dálelindeı, qalamyzda Alash qozǵalysynyń 100 jyldyǵyna arnalǵan is-sharalar úlken qarqynmen atqarylýda. Qalamyz qaıtadan jasaryp, jańǵyrý ústinde, ondaǵan kóshege jańadan uzyndyǵy 24 shaqyrymdyq asfalt tóselip, búkil Ertistiń oń jaǵalaýy adam tanymastaı ózgerýde, bolashaqta bul mańda taǵy da balalar alańy salynyp, kishi kınozal qurylysy boı kótermek. «Qaraǵaıly» shaǵyn aýdanynda boı kóterýge tıis otyz bıik úıdiń úsheýiniń qurylysy bastalyp ta ketti. Semeı áýejaıynda kúrdeli jóndeý jumystary qarqyndy júrýde, ol bolashaqta halyqaralyq standartqa saı «Boıng-777» sııaqty iri laınerlerdi qabyldaıtyn bolady.
О́tken oqý jylynda qalamyzda birneshe mektep pen balalar baqshasy salynyp, Nazarbaev zııatkerlik mektebi jańa ǵımaratqa kirse, san myńdaǵan metr jylý qubyrlary únemi tońyp otyratyn semeılikterdiń boıyn ǵana emes, júrekterin de jylytty, iri «Abaı Arena» sport kesheniniń salynýy, Álıhan Bókeıhanovqa eskertkish ornatylýy – osynyń bári kóńil qýantady, qala jurtshylyǵynyń bolashaqqa senimin arttyrady. Kóp jyldan beri qalanyń bıýdjeti mundaı qomaqty bolyp kórmegen de shyǵar!
Osy hat arqyly Sizdiń bizdiń óńirge, bizdiń qalamyzǵa, Abaı eline degen yqylas-peıilińizdiń erekshe ekendigine alǵys sezimimizdi bildirgimiz keledi jáne «jaqsynyń jaqsylyǵyn aıt – nury tasysyn!» demekshi, Siz jibergen isker basshy – oblys ákimi Danııal Ahmetovke rıza ekenimizdi aıtqymyz keledi.
Búginde tórtkúl dúnıeniń nazary – Astanada jáne Sizde!
Semeılik aqyn Qusmilııa Siz týraly: Ultqa qıyn kezeńde, Tý ustaǵan kemelim Júz ulystyń tizginin, Teń ustaǵan kemelim. Telisi men tentegin, Keń ustaǵan kemelim. Aıaǵynan shalsa da, Jaǵasynan alsa da, Alyspaǵan kemelim. О́rkenıet órine, Qaryshtaǵan kemelim. Bar ǵumyryn halqyna. Baǵyshtaǵan kemelim! – dep jyrlaǵandaı, Semeı halqy Sizdiń tóńiregińizge burynǵydan da toptasa tústi dep aıtsaq artyq bolmas deımiz! Táýelsizdiktiń týyn ózińiz kótergen egemen elimizdiń rýhy bıik, juldyzy joǵary bolsyn!
Alǵys sezimimen Semeı halqynyń atynan: Násen SEMBAEV, Semeı qalasynyń qurmetti azamaty, qoǵam qaıratkeri; Hafız MATAEV, Semeı qalasynyń qurmetti azamaty, qoǵam qaıratkeri; Anatolıı EREMENKO, Semeı qalasynyń qurmetti azamaty, qoǵam qaıratkeri; Ázimhan SÁDÝAQASOV, Semeı qalasynyń qurmetti azamaty, qoǵam qaıratkeri; Dúısenbaı QOShQARBEKOV, Semeı qalasynyń qurmetti azamaty, qoǵam qaıratkeri; Tóken IBRAGIMOV, Semeı qalasynyń qurmetti azamaty, abaıtanýshy; Arap ESPENBETOV, fılologııa ǵylymdarynyń doktory; Aınur MAÝSYMBAEVA, Semeı qalalyq máslıhatynyń depýtaty; Vera KROPAChEVA, jýrnalıst; Janna JIBRAEVA, Semeı qalalyq qoǵamdyq keńesiniń tóraıymy; Amantaı DOǴALAQOV, Semeı qalalyq aqsaqaldar alqasynyń tóraǵasy; Muhtarbek KÁRIMOV, tarıh ǵylymdarynyń kandıdaty; Omarbek BAIÝAQOV, Shyǵys Qazaqstan oblysynyń qurmetti azamaty; Janat MOLDAǴALIEVA, dáriger, Semeı qalalyq máslıhatynyń depýtaty.