Keshe Úkimet úıinde Qazaqstan Respýblıkasynyń Premer-Mınıstri Baqytjan Saǵyntaev elimizdiń jetekshi ǵylymı medısınalyq ortalyqtarynyń dırektorlarymen kezdesý ótkizdi, dep habarlady Úkimet basshysynyń baspasóz qyzmeti.
Kezdesý barysynda respýblıkada medısınalyq ǵylymdy damytýdyń negizgi baǵyttary talqylandy. Sonyń ishinde onkologııadaǵy personalızasııalanǵan medısına artyqshylyqtary, bilim, ǵylym jáne klınıkalyq praktıkanyń birigýi, sondaı-aq Qazaqstandaǵy bıomedısınalyq zertteýler keleshegi qaraldy.
Densaýlyq saqtaý mınıstri E.Birtanov, Ulttyq ǵylymı kardıohırýrgııa ortalyǵynyń basqarma tóraǵasy Iý. Pıa, A.N.Syzǵanov atyndaǵy Ulttyq ǵylymı hırýrgııa ortalyǵynyń basqarma tóraǵasy B. Baımahanov, Qazaq onkologııa jáne radıologııa ǵylymı-zertteý ınstıtýtynyń dırektory D. Qaıdarova, Semeı memlekettik medısınalyq ýnıversıtetiniń rektory E. Júnisov aǵymdaǵy jaǵdaı, klınıkalyq zertteýler júrgizý tájirıbeleri men qazaqstandyq medısına aldynda turǵan mindetter týraly baıandamalarymen tanystyrdy.