Búgin Majarstannyń Qazaqstan Respýblıkasyndaǵy Tótenshe jáne ókiletti elshisi Andrash Baranı Astanada Halyqaralyq Túrki akademııasynyń basshysy Darhan Qydyrálige Majarstan prezıdentiniń jarlyǵyna sáıkes taǵaıyndalǵan Majarstannyń ofıserlik krest ordenin saltanatty túrde tabys etti.
Andrash Baranı myrza óz kezeginde etnograf ǵalym Mıhaı Hoppaldyń densaýlyq jaǵdaıyna baılanysty búgingi kórmeniń ashylý saltanatyna kele almaǵanyn jetkizdi. Elshi Vengrııa prezıdentiniń ózine mańyzdy mindet júktegenin aıta kelip, memlekettik marapat týraly prezıdent qaýlysyn oqyp berdi.
Marapattaý rásimi akademııada Majarstan elshiligimen birlese uıymdastyrylǵan majar etnografy, professor Mıhaı Hoppaldyń zertteýi boıynsha ázirlengen «Shamandar men jora-rásimder» atty fotokórme aıasynda boldy.
Esterińizge sala keteıik, Vengrııanyń eń joǵary memlekettik marapaty Darhan Qydyrálige Qazaqstan Respýblıkasy men Majarstan arasyndaǵy ǵylymı jáne mádenı qarym-qatynastardy nyǵaıtýǵa, sondaı-aq tanymal túrkitanýshy Ishtvan Qońyr Mandokıdiń qundy eńbegin saqtaýǵa qosqan úlesi úshin Majarstan Premer-mınıstriniń usynýymen bıylǵy tamyz aıynda taǵaıyndalǵan edi.
Aıa О́mirtaı,
«Egemen Qazaqstan»