Armenııa basshysy Serj Sagsıannyń jeke fotografy Davıd Agopıan Nursultan Nazarbaevtyń erekshe sýretin jarııalady.
Davıd Agopıan sýretti Reseıdiń Sochı qalasynda ótip jatqan TMD-ǵa múshe memleketter basshylarynyń keńesi bastalar aldynda túsirgen. Fotograf bul sýrettiń eshqandaı óńdeýden ótpegenin aıtty.
«Bul bólmege kirgen kezde, jaryq joǵarydan adam basyna túsedi. Fotoapparat dıagfragmasyn japsań, sýrette ortada turǵan adam ǵana kórinedi. Sochı ýaqyty boıynsha 20:30-da túsirdim», deıdi Agopıan.
Sonymen qatar, fotograf bul sýretti túsirýge bir jyl boıy daıyndalǵanyn jetkizip, ortada Serj Sargsıandy beınelegisi kelgenin aıtty.
«Armenııa prezıdentin túsirý úshin arnaıy kútip tur edim. Sóıtip Nursultan Nazarbaevty túsirdim. Jalpy sýretke túsirý barysynda kúzetshiler men ózge qyzmetkerler kedergi keltirmese – úlken sáttilik. Bólmege birinshi bolyp Qazaqstan prezıdenti, artynan Vladımır Pýtın, keıin Serj Sargsıan kirdi. Sol sátte 10-15 kadr túsirdim.
Nursultan Nazarbaev - TMD aqsaqaly. Onyń kózqarasy ótkir, al júrisi salıqaly. Sondyqtan bul sýret óte ádemi shyqty. Armenııa prezıdentiniń fotografy bolyp istegen 7 jyldyq tájirıbemde Nursultan Nazarbaevtyń birshama sýretteri jınaldy. Biraq bul sýrettiń orny erekshe ekeni aıdan anyq», deıdi fotograf.
Bul sýret áleýmettik jelilerde belsene tarap jatqanyn aıta ketken jón. Fotograftyń málimdeýinshe, onyń Feısbýktegi paraqshasyna qazaqstandyqtar kóptep dostyq usynýda.