Májilis Tóraǵasy Nurlan Nyǵmatýlın Sankt-Peterbýrgta UQShU Parlamenttik Assambleıasy jıynyna qatysty, dep habarlaıdy Tómengi palatanyń baspasóz qyzmeti.
UQShU-ǵa múshe-memleketter parlamentshileriniń kezekti kezdesýi energetıka qaýipsizdigi, gýmanıtarlyq kómek, sondaı-aq, memlekettik qupııaǵa qatysty modeldik zańdardy qaraýǵa arnaldy. Jıynǵa qatysýshylar sondaı-aq, aqparattyq saladaǵy zań buzýshylyqtarmen kúres máseleleri jónindegi qylmystyq zańnamalardy jetildirý boıynsha usynymdardy da nazardan tys qaldyrmady.
Talqylanǵan suraqtar qatarynda Ortalyq Azııada aımaqtyq qaýipsizdikti jáne yntymaqtastyqty, sonymen birge, UQShU PA men EQYU Parlamenttik Assambleıasynyń ózara is qımylyn zańnamalyq qamtýdaǵy parlamentterdiń róline de nazar aýdaryldy.
Terrorızmen kúrestiń ózektiligine kóńil bólgen Májilis Spıkeri atalǵan parlamenttik uıymdardyń ózara is-qımylyn odan ári yntalandyrýdyń mańyzdylyǵyna toqtaldy.
Osy rette N. Nyǵmatýlın tájirıbe almasý maqsatynda UQShU PA jumysynyń keler jylǵa arnalǵan josparynda EQYU PA birlesken kezdesýin uıymdastyrýdy qaraýdy usyndy.