Mańǵystaý oblysynda «Araks» kemesindegi munaı qaldyqtaryn tazartý jumystary bastaldy, dep habarlaıdy egemen.kz tilshisine Mańǵystaý oblysy ákiminiń baspasóz qyzmeti.
«Araks» kemesi 2016 jyldyń 4 maýsymynda Qaraqııa aýdanynyń qumdy múıisinde shamamen jaǵadan 100 metr qashyqtyqta qalǵan bolatyn. Kórsetilgen málimetter boıynsha, kemeniń ústińgi palýbasynda basqa kemelerden qabyldanǵan mazýtpen lastanǵan suıyq quıylǵan 15 bóshke, onyń ishinde 10 eki júz lıtrlik jáne 5 eki júz lıtrlik bóshkeniń jartylaı kesilgeni bar.
Aımaq basshysy Eraly Toǵjanovtyń tapsyrmasymen ústimizdegi jyldyń 10 tamyzynda ótken otyrysta «Tótenshe jaǵdaılardy joıý jáne aldyn alý» boıynsha Mańǵystaý oblystyq komıssııasynyń kezekten tys otyrysynda Kaspıı teńizinde munaıdyń tógilýiniń boldyrmaý, qorshaǵan ortanyń lastanýynyń aldyn alý jáne tótenshe jaǵdaılar qaýipsizdigin saqtaý maqsatynda, «Araks» kemesin munaı qaldyqtarynan teńiz arqyly tazalaý jumystaryna jergilikti atqarýshy organnyń rezervtik qorynan qarajat bólindi.
«Araks» kemesine qatysty ekologııalyq tótenshe jaǵdaılardyń aldyn-alý úshin tazalaý jumystaryn júrgizýge «BatysMunaı Trans» JShS-men kelisimshart jasalyp, komıssııa quryldy. Qazirgi ýaqytta «Araks» kemesin munaı qaldyqtarynan tazartý jumystary bastalyp ketti.
Araks kemesindegi quramynda munaı bar zattarmen lastanǵan qaldyqtardyń kólemi – 930 t., delingen baspasóz habarlamasynda.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy