Atyraýda respýblıkalyq jastar sleti ótti

Qazaqstan jastar Kongresi keńesiniń tóraıymy Darıǵa Nazarbaeva, Olımpıada júldegeri Vasılıı Levıt, tanymal telejúrgizýshi Sándi Sultan qurmetti qonaq retinde qatysty. 

Úsh kúnge sozylǵan slet ju­my­synda jastardy tol­ǵan­dy­ra­­tyn saýaldar talqyǵa túsip, túr­li trenıngter men she­ber­­lik-sabaqtary, kóshe sýb­má­de­nıeti fes­tıvali, túngi alaý ja­nyn­daǵy beıresmı kezdesý, oblys áki­mi Nurlan Noǵaevpen kezdesý, pikirtalas, «Jańa dem» eko­lo­gııa­lyq aksııasy syndy sharalar uıymdastyryldy. 

Qazaqstan jastar Kongresi 2002 jyly Elbasy bastama­sy­men ashylǵan. Búginge deıin «Ja­syl el» biryńǵaı eńbek jas­tary uıymy, «Jas Ulan jas­ós­pirimder uıymy, «Stý­dent­ter alıansy» syndy kóp­tegen uıym­dar quryldy. Kon­grestiń at­qarýshy dırektory Aıdyn Sá­bıtov: «Bıyl áske­rı-patrıottyq baǵytty aı­ryqsha nazarǵa alyp otyrmyz. «Jas qarý» patrıottyq uıy­my jumysyn bastady. Taǵy bir jańalyq – dúnıejúzilik bank­tiń grantyn jeńip aldyq. Aýyl jas­tarynyń bastamalaryn qol­daý maqsatynda sharalar ótedi. Jalpy, elimiz boıynsha 106 kongrestik uıym bar», – dedi. Respýblıkanyń túkpir-túk­pirinen Jaıyq jaǵasyna jı­nalǵan jastar slet ju­my­syna belsendi qatysyp, tanym kók­jıekterin keńeıtti. Qazaq­stan jastar Kongresi keńesiniń tór­aıymy Darıǵa Nazarbaeva men Atyraý oblysynyń ákimi Nur­lan Noǵaev plenarlyq máji­lis­ke qatysyp, jastarmen ashyq dıa­log qurdy. Esepti baıan­da­malar­dan buryn emen-jar­qyn júz­desýge negizdelgen jıyn­da jas­tar qol jetkizgen je­tis­tik­teri men tolǵandyryp júr­gen má­se­lelerin ashyq aıtty. 

«Aldymyzda naqty maqsat bolýy kerek, – dedi Darıǵa Nazarbaeva. – Qazir jastardyń jaǵdaılaryn jaqsartatyn mem­lekettik baǵdarlamalar bar. «Ju­myspen qamtý-2020» Jol kar­tasy», «Jastardyń kadrlyq rezervi», «Dıplommen – aýylǵa!», «Jasyl el», «Bilim men ǵylymdy damytý», «Úsh tilde bilim berýdi damytýdyń baǵdarlamalary», «Serpin», «Máńgilik El jas­tary – ındýstrııaǵa», jastar kor­pýsyn damytýǵa arnalǵan dúnıe­júzilik grant jobalary jar­qyn bolashaqqa jeteleıdi. Aýyl jastaryn oqytýǵa 7 mlrd teń­ge bólinip otyr. Jastardy al­ǵashqy mamandyqqa oqytý baǵ­darlamasy bar. Myńdaǵan jas azamatqa jol ashqan «Bolashaq» baǵdarlamasyn aıryqsha ataýǵa bolady. Memleket tarapynan qamqorlyq pen qoldaý jetkilikti dárejede. Olar qalaı júzege asyrylyp jatyr, nátıjeleri qan­daı? Kongress osy saýaldarǵa jaýap izdep, baǵdarlamalardyń tıimdiligin, jetistigin baqylap otyrýy tıis. Baqylaý bolmasa, suraq bolmasa, jumys júr­meıdi. Bıylǵy jyl elimiz úshin oqıǵalarǵa baı jyl boldy. EKSPO-2017 halyqaralyq kór­mesi álem nazaryn bizge aýdardy. Kórme jumysynan jastar tys qalǵan joq. Qazaqstannyń túk­pir-túkpirinen eriktiler jınaldy. Týrızmdi damytýǵa jas­tar atsa­lysýlary kerek. Týrızm – álem­degi eń serpindi damyp kele jat­qan bıznes túri. О́z jerimizdi bile­miz be? Qasıetti jerlerge, tarı­hı muramyzǵa qanshalyqty qa­nyqpyz? Osy saýaldar jaýapsyz qalmaýy tıis». 

Jastar saıasatynyń damýyna, el jastarynyń azamattyq bel­sendiligin arttyrýǵa, jan-jaq­ty qabiletin shyńdaýǵa baǵyt­talǵan sharalardy uıymdastyrýǵa úles qosyp júrgen belsendi jas­tar Kongress keńesi tóraǵasynyń alǵys hattaryna ıe boldy. 

 Darıǵa Nazarbaeva Atyraýǵa saparynda Ulttyq gvardııanyń №51051 áskerı bólimshesine ba­ryp, «Batys» óńirlik qolbas­shy­­ly­ǵynda qorǵanys pen qa­ýip­sizdik boıynsha atqarylyp jat­qan jumystarymen tanysty. 

Baqytgúl BABASh, «Egemen Qazaqstan»

ATYRAÝ