Batys Qazaqstan oblysy, Qaztalov aýdanynyń Taldyqudyq aýylyna bóri tıgen.
Tań ata qoradaǵy malyn dalaǵa shyǵarmaq bolǵan 8-synyp oqýshysy Mədı О́tegenov túz taǵysymen betpe-bet kelgen. Taýyq shýlap, bir nárseden úrikkendeı azan-qazan bolǵan soń júgirip barǵan Mádı aýzy-basy qan-qan «úlken sur ıtke» tap bolypty. Jerden kesek alyp, urmaqshy bolǵanda túz taǵysy qarsy sekirgen. Abyroı bolǵanda jasóspirim jalma-jan qoranyń tóbesine shyǵyp ketipti. Oń aıaǵynan tistegen bóriniń aýzyn ekinshi aıaǵymen teýip úlgergen.
Mádıdiń aıǵaılaǵan daýysyn estigen úlkender kómekke kelip, Janbolat esimdi kórshisi shaqyrylmaǵan qonaqty myltyqpen atyp tastaǵan.
Árıne, Mədıge aýyldyq feldsherlik pýnktte alǵashqy járdem kórsetilip, shuǵyl túrde Jalpaqtal aýrýhanasyna jetkizildi. Aýrýhananyń bas dərigeri Almas Toǵaıbaıulynyń aıtýynsha, Mádıge qutyrýǵa qarsy vaksına jasalǵan.
– Qazir bala hırýrgııalyq bólimde baqylaýda. Jarasy taza, aýyrsyný belgileri joq. Al aýylǵa beımezgil kelip, eldi ábigerge salǵan qasqyrdyń mıy vetzerthanaǵa jiberildi, – deıdi bizge qaztalovtyq áriptesimiz Turarbek Qaıyrǵalı.
Qazbek QUTTYMURATULY, «Egemen Qazaqstan»
Batys Qazaqstan oblysy