Búgin Májilis Tóraǵasy Nurlan Nyǵmatýlın bizdiń elimizge tuńǵysh ret resmı saparmen kelgen Vetnam Ulttyq Jınalysynyń tóraıymy Ngýen Thı Kım Nganmen kezdesti.
Taraptar eki eldiń damý tájirıbesinde erekshe mańyzǵa ıe dinaralyq jáne etnıkaralyq kelisimge aıryqsha nazar aýdardy.
N. Nyǵmatýlınniń jáne Ngýen Thı Kım Ngannyń pikirinshe halyqtar men túrli dinder ókilderiniń ózara túsinistigi men senimi jáne syılastyǵy álemdegi tynyshtyq pen beıbitshiliktiń kepili.
Májilis Tóraǵasy Qazaqstan Prezıdenti Nursultan Nazarbaevtyń eki el arasyndaǵy qarym-qatynasty tereńdetýge zor kóńil bóletinin alǵa tartty.
Palata Spıkeri saýda-ekonomıkalyq baılanys bizdiń elderimiz qatynasyndaǵy basym baǵyttardyń biri ekenin aıtty. Osy rette ásirese, aýylsharýashylyǵy, kólik-logıstıkalyq yntymaqtastyqty damytý mańyzdylyǵy zor.
Búginde Eýrazııalyq Ekonomıkalyq Odaq aıasynda Qazaqstanda Vetnamdyq kompanııalardyń tıimdi jumys jasaýyna zor múmkindikter ashyldy. Oǵan atalǵan Odaq pen Vetnam arasyndaǵy erkin saýda aımaǵy týraly kelisim naqty dálel. Sonymen birge, týrızm salasynda da eki el yntymaqtastyǵyn nyǵaıtýdyń áleýeti joǵary. Májilis Tóraǵasy osy oraıda vetnamdyq taraptyń Qazaqstan azamattary úshin birjaqty tártippen vızasyz rejım engizý usynysyn qoldaýǵa bolatyndyǵyn aıtty.
О́z kezeginde mártebeli meıman bizdiń elimizdiń qonaqjaılyǵyna alǵys bildirip, Qazaqstannyń az ýaqyt ishindegi qarqyndy damýyna, sonyń ishinde, Astananyń keremettegine kóńil bóldi.
Bizdiń eldirimizdiń uqsas ustanymdary beıbitshilik pen kelisim ekenin alǵa tartqan Parlament tóraıymy óziniń is-sapary tikeleı ekijaqty qatynasty tereńdetýge baǵyttalǵanyn basa aıtty. Qazaqstannyń barlyq saladaǵy damýyn óte joǵary baǵalap, Qazaqstan Prezıdentiniń basshylyǵymen bizdiń elimiz áli talaı bıikterdi baǵyndyrady dedi.
Kezdesý ıeleri biregeı úlgi Qazaqstan halqy Assambleıasy jaıly, Qazaqstanda ótken EKSPO kórmesi týraly áńgime qozǵap, aımaqtyq qaýipsizdik, mádenı baılanys, parlamentaralyq qatynas máselelerine nazar aýdardy.