Bıyl naýryz aıynda Aqmola oblysynda qurylǵan «Álıhan-Ámir» aýylsharýashylyq óndiristik kooperatıvi óndirýshi kásiporyndarǵa kúnine 2,5 tonna sút jetkizip turady. Jazǵy aılarda tapsyrylatyn ónimniń kúndelikti kólemi 7-8 tonnaǵa jetetin, dep habarlaıdy «Aýyl sharýashylyǵyn qarjylaı qoldaý qory» AQ baspasóz qyzmeti.
Zerendi aýdany Karaozek aýylynda ornalasqan «Álıhan-Ámir» ÁО́K 31 shaǵyn sharýashylyqty biriktiredi. Oblys ortalyǵynan 45 km jerde ornalasqan kooperatıv sútti «Milk Project» jáne «Natige» zaýyttaryna qaıta óńdeýge tapsyrady.
«Aýyl sharýashylyǵyn qarjylaı qoldaý qory» AQ «Álıhan-Ámir» kooperatıvi múshelerin «Yrys» baǵdarlamasy boıynsha sútti baǵyttaǵy mal satyp alý úshin qarjylandyrdy. Sonymen qatar, kooperatıvtiń ózi Qordan nesıe alyp, modýldi sút qabyldaý beketin satyp aldy. Modýl memleket tarapynan ınvestısııalyq sýbsıdııalardy esepke ala otyryp, jeńildetilgen júıe boıynsha satyp alynǵan jáne Qorǵa nesıeni qamtamasyz etý úshin kepil retinde tapsyryldy.
Kooperatıv múshesi Qabıden Námetovtiń buryn kishkentaı qorasynda eki sıyry bolatyn. Qordyń nesıelik qarjysyna ol iri qara maldyń 16 basyn satyp alyp, qajetti mal azyq daıyndaǵan. Qazir jańadan keń qora salyp, jubaıyna kómektesetin bir saýynshyny jumysqa aldy.
Nematov Qabıden, «Álıhan-Ámir» AО́K múshesi:
Buryn eki sıyrymyz bolatyn, qazir mal basyn kóbeıtip, sútti kooperatıvke tapsyratyn boldyq. Bul ádis jaqsy eken – birinshiden, sútti ózderi alyp ketedi, ekinshiden, biz 6 paıyzben nesıe alyp otyrmyz. Elbasyna, Úkimetke osyndaı baǵdarlamalar úshin úlken rızashylyǵymdy bildirgim keledi. Sútten túsken aqshaǵa erteńgi kúnimizdi uaıymdamaı, otbasylarymyzdy asyrap otyrmyz.
Aýyl turǵyndary mal azyqty birigip daıyndaıdy – shóp shabý, ony jetkizý jumystary ortaq tehnıkamen júrgiziledi. О́nimniń sapasy jaqsy - sút qabyldaıtyn azamattar onyń sapasyn qatań qadaǵalaıdy.
«Álıhan-Ámir» AО́K tóraǵasy óz bıznesin 2004 jyly eski «pırojkovozben» bastaǵan bolatyn. Qalaǵa óz sútin flıagamen aparyp, kún kóretin. Keıin týystary men kórshileri de oǵan qosylyp, sútti tapsyra bastady. 2007 jyly ustalynǵan ÝAZ satyp aldy. Keıin birinshi sút tasymaldaý kóligin alyp, ónim kólemin ulǵaıtty. Birinshi salqyndatqyshty aldy. Osy jyly Qordyń kómegimen modýldik sút qabyldaý beketin satyp alyp, ony Qaraózek aýylynda ornatty.
Serǵazınov Qunanbaı, «Álıhan-Ámir» AО́K tóraǵasy:
Biz sútti kooperatıv múshelerinen jáne aýyl turǵyndarynan qabyldaımyz – jalpy 8 aýyldaǵy 200 otbasydan. Orta eseppen, bir aıda olardan 15 mıllıon teńgege sút satyp alamyz. Osy jyly Kókshetaýdaǵy qaıta óńdeý zaýyttaryna 500 tonnadan astam sút jetkizdik. Qazirgi tańda bizde eki tanker, tórt sút tasymaldaý kóligimiz bar.
Kókshetaý qalasyndaǵy «Natige» JShS fılıaly basqarýshysynyń orynbasary О́staı Ábýmhannyń aıtýynsha, zaýyt bul kooperatıvpen qurylǵan kezinen bastap, jumys istep keledi. Súttiń kórsetkishteri standarttarǵa saı, sapasy jaqsy. Aqysy aptasyna bir ret tólenedi. Zaýyt Aqmola, Soltústik Qazaqstan oblystarynyń basqa da kooperatıvterimen yntymaqtasýǵa daıyn, sebebi óndirý qýattylyǵy súttiń qosymsha kólemderin qabyldaýǵa múmkindik beredi.
Abzal Kenjeahmetov, «Aýyl sharýashylyǵyn qarjylaı qoldaý qory» AQ Aqmola fılıaly dırektorynyń orynbasary:
Aqmola oblysynda Qordyń qatysýymen 38 kooperatıv qurylyp, bir myńnan astam shaǵyn sharýashylyqty biriktirdi. Onyń ishinde 25 - sút, 13 - et baǵytynda jumys isteıdi. Oblysta kooperatıvterdi jáne olardyń qatysýshylaryn qarjylandyrýǵa 700 mln teńge bólingen. Jalpy, oblysymyzda Qordyń barlyq nesıe baǵdarlamalary boıynsha 2 mıllıardtan astam teńge aýyldyq jobalarǵa baǵyttaldy.
Jalpy alǵanda, Aýyl sharýashylyǵyn qarjylaı qoldaý qorynyń qatysýymen respýblıkada 400-den astam kooperatıv quryldy, kompanııa 5,8 myń otbasylyq mal bordaqylaý alańyn, 134 sút qabyldaý beketin, 54 soıý beketin, 133 myń aýylsharýashylyq janýar basyn satyp alýdy qarjylandyrdy.