Qazaqstannyń Syrtqy ister mınıstrligi baspasóz qyzmetiniń jetekshisi Ánýar Jaınaqov Feısbýkte Oman Sultandyǵyndaǵy QR Elshisi Erjan Muqashtyń Oman Sultandyǵynyń Qazaqstan azamattaryna vızalyq rejimdi jeńildetý jónindegi habarlamasymen bólisti.
«Oman Sultandyǵynyń úkimeti Qazaqstan azamattaryna vızalyq rejimdi jeńildetý jóninde sheshim qabyldady. Budan bylaı AQSh, Kanada, Aýstralııa, Ulybrıtanııa, Shengen kelisimi elderiniń vızalalary nemese osy elderde turaqty turýǵa ruqsattary bar qazaqstandyqtar omandyq týrıstik vızany shaqyrtýsyz 30 kúnge deıin ala alady. Basty talap - qaıtý bıleti men qonaq úıdiń broni bolýy tıis», - delingen habarlamada.