Parlament Senaty Konstıtýsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysynda «Ustap berý týraly konvensııany ratıfıkasııalaý týraly» zań jobasy qaraldy.
Konvensııaǵa 1933 jylǵy 26 jeltoqsanda Montevıdeo qalasynda (Ýrýgvaı Respýblıkasy) qol qoıylǵan. Konvensııanyń negizgi maqsaty aıyptalýshylardy nemese sottalǵan adamdardy áleýmettik ońaltýǵa járdemdesý maqsatynda olardy ustap berý salasyndaǵy yntymaqtastyqty ornatý, sondaı-aq sottalǵan adamdar úshin jazasyn óz elinde óteý múmkindigin jasaý.
Osy Konvensııanyń erejesine sáıkes qatysýshy memleketter ózderiniń aýmaǵynda júrgen aıyptalýshylardy nemese sottalǵan adamdardy qylmysy úshin qylmystyq qýdalaýdy jáne sot úkimin oryndaýdy júzege asyrý úshin berýge mindettenedi.
Konvensııaǵa sáıkes ustap berilgen adamnyń ustap berýdi suratýǵa sebep bolǵan quqyqqa qarsy is-áreketti jasaý jolymen alynǵan nemese dáleldeme retinde paıdalanylýy yqtımal múlki tárkilenýge jáne talap etýshi elge berilýge jatady.
Konvensııany ratıfıkasııalaý kezinde Qazaqstan Respýblıkasy Konstıtýsııasynyń 11-babyna sáıkes Konvensııanyń 2-baby boıynsha ózderiniń azamattaryn ustap bermeýi týraly, sondaı-aq 15-baby boıynsha izdestirilip jatqan adamnyń múlikterin tárkileý jáne berý Qazaqstan Respýblıkasynyń zańnamasyna sáıkes júzege asyrylatyny jóninde málimdeme jasaý usynylady.
Qujat Palata qaraýyna jiberildi.