Ystanbulda álemniń 30-dan astam eliniń ókilderi memlekettik qyzmetti baǵalaý boıynsha tájirıbe men bilim almasty, dep habarlaıdy Astanadaǵy memlekettik qyzmet salasyndaǵy óńirlik habtyń baspasóz qyzmeti.
Astana memlekettik qyzmet haby QR Úkimeti jáne BUU Damý Baǵdarlamasymen birge uıymdastyrǵan «Baǵalaýdyń ulttyq júıesin qurý: Qazaqstan tájirıbesi» atty semınar «Baǵalaý salasyndaǵy ulttyq áleýet» V ǵalamdyq konferensııa aıasynda ótti.
Qatysýshylarǵa Astana haby basqarýshy komıtet Tóraǵasy Álıhan Baımenov, QR Ulttyq ekonomıka Vıse-mınıstri Aıbatyr Jumaǵulov, Ystanbuldaǵy BUU DB О́ńirlik haby Menedjeri Gerd Trogmann jáne Qazaqstannyń BUU DB Qazaqstandaǵy Turaqty ókiliniń orynbasary Mýnhtýıa Altangerel jyly lebizin bildirdi.
Álıhan Baımenov «ózara táýeldilik pen ózara yqpaldastyq artyp otyrǵan zamanaýı álemde memlekettik basqarýdyń sapasy sheshýshi ról atqarady. Al memlekettik basqarý sapasyn arttyrý úshin aýdıt pen baǵalaýdyń tıimdi júıesiniń bolǵany mańyzdy», - dedi.
Semınar vıse-mınıstr Aıbatyr Jumaǵulovtyń Qazaqstannyń memelkettik basqarý salasyn reformalaý tájirıbesine jasaǵan sholýy men qazaqstandyq sarapshylardyń baǵalaýdyń ulttyq júıesiniń damýy jaıly prezentasııalarmen bastaldy. Qatysýshylar Qazaqstannyń baǵalaý júıesiniń tarıhı jáne ákimshilik alǵysharttarymen, negizgi mehanızmderi jáne ádistemelerimen tanysty.
Vıse-mınıstr «baǵalaýdyń qazaqstandyq júıesi 7 jyldan astam ýaqyt jumys isteıdi. Bul júıe memlekettik basqarý júıesin jetildirý men mınıstrlikter, jergilikti organdardyń jumysyn jandandyrýdyń tıimdi quraly retinde tanyldy» dep atap ótti.
Sonymen birge Astana habyna qatysýshy elder - Estonııa, Grýzııa jáne Ázirbaıjan quzyrly organdar ókilderi óz elderindegi baǵalaý júıesi jaıly baıandady.
Semınar praktıkalyq tájirıbe, ınnovasııa jáne baǵalaýdyń ulttyq júıesin ázirleý perspektıvalary boıynsha pikir almasatyn suhbat alańyna aınalyp, qatysýshylar arasyndaǵy baılanysty nyǵaıtty. Qatysýshylar memlekettik qyzmet kórsetý jáne azamattardyń ómir súrý sapasyn jaqsartýǵa baǵyttalǵan júıelerdi jetildirýdiń ári qaraıǵy joldaryn qarastyrdy.
Astana haby memlekettik organdardy baǵalaý júıesin damytý salasynda tyǵyz yntymaqtastasý jáne tájirıbe almasý maqsatynda praktıkterge aımaqtyq semınar ótkizýdi usyndy.