Eýropa Lıgasy toptyq kezeńiniń úshinshi raýndynda elordalyq «Astana» klýby ızraıldik «Makkabıdi» oısyrata jeńdi. Afrıkalyq Tvýması men Kabananga eki goldan soqty.
Alǵashqy taımda «Astana» óte shıraqy, ári belsendi oınap, qarsylasyna toqtaýsyz qysym kórsetýmen boldy. Osy oıyn óneri elorda oıynshylaryna 33 mınýtta penaltı ákelip, ony oryndaǵan Patrık Tvýması oıynnyń alǵashqy golyn soqty. Úziliske deıin sol Tvýmasıdiń ózi Shomkonyń pasynan soń esepti 2:0 jetkizdi.
«Astana» ekinshi taımda da sol mánerdi qaıtalap, belsendi oınaýdy toqtatpady. Nátıjesinde, 47 mınýtta Jýnıor Kabananga oıynnyń úshinshi golyn soqty. Kongo quramasynyń shabýylshysy 52 mınýtta dýbl jasap, esepti 4:0 qyldy.
Oıynnyń qalǵan ýaqytynda «Astanada» alańdaǵy dopty óz baqylaýynda ustap, esepti saqtap qala aldy.
Bul - «Astana» úshin Eýropa Lıgasynyń toptyq kezeńindegi alǵashqy jeńis. Osylaısha qazaqstandyq klýb 4 upaımen «A» tobynda ýaqytsha bolsa da birinshi orynǵa shyqty. Al «Makkabıde» burynǵysha bir upaı.