«Habar» agenttigi jýrnalıster arasynda shaǵyn fýtboldan respýblıkalyq týrnır ótkizedi. Dástúrli týrnır osymen úshinshi jyl qatarynan uıymdastyrylaıyn dep otyr.
Alǵashqysy «Habar» arnasynyń 20 jyldyq mereıtoıymen tuspa-tus kelgen bolatyn. Nazarbaev ýnıversıtetinde ótken básekede «BaqOrda» komandasy chempıon atanǵan. Osydan keıin bul ataqqa «JasStar Production» ujymy ıe boldy. Jýrnalıster dodasy «Astana-Arena» stadıonynda uıymdastyrylǵan edi.
Bıylǵy týrnır de elimizdegi №1 stadıonǵa josparlanyp otyr. Jarys erteń, ıaǵnı 22 qazan kúni ótedi. Chempıondyq ataqty bas-aıaǵy 16 komanda sarapqa salmaq. Olar ózara tórt topqa bólinip, úzdikterdi anyqtaıdy. Tıisinshe, birinshi jáne ekinshi oryn alǵandary pleı-off kezeńine, ıaǵnı shırek fınalǵa shyǵady.
Jarys bir kúnge josparlanǵan. Oıyndar 09:00-de bastalady. Al ashylý saltanaty 11:00-de ótedi.