Daýys berýdiń aldyn-ala nátıjesi boıynsha Argentına prezıdenti Maýrısıo Makrı qoldaıtyn koalısııa parlamenttik saılaýda jeńiske jetti. Ortalyq ońshyldar eldegi 24 provınsııanyń 12-siniń daýysyna ıe bolyp otyr. Al Argentınanyń burynǵy prezıdenti Krıstına Kırshner senatqa ótip, saıasatta qalatyn boldy.
О́tken demalys kúnderi Argentına halqy senat músheleriniń úshten birin jáne tómengi palatanyń jartysyn tańdady. Bul iske 33 mln turǵynnyń 78%-y qatysty. «Kambemos» prezıdentiniń koalısııasy keminde 24 oblystyń 12-ne ıelik etip otyr. Olardyń qatarynda el astanasy Býenos-Aıres te bar. Osynyń nátıjesinde 42% jınady.
Prezıdenttiń jaqtastary úshin onyń áriptesi Esteban Býllrıhtiń burynǵy memleket basshysy Krıstına Kırshnerdi jeńýie basty oqıǵa sanap otyr. Ekeýi el astanasynda saılaýǵa túsip, senatqa ótti. Alaıda saılaýshylardyń tek tórt paıyzy ǵana prezıdenttikke kandıdat úshin daýys berdi.
«Búgingi býyn tarıhty ózgertedi. Bul tek basy ǵana», – dedi Esteban Býllrıh.
Endi Maýrısıo Makrı 2015 jyly ýáde etkendeı reformalardy, sonyń ishinde eńbek jáne salyq zańnamasyndaǵy ózgeristerdi júzege asyrýǵa mindetti. Olardyń aıtýynsha osyǵan deıin ekonomıkalyq damýǵa kedergi keltirilip kelgen.
Al Krıstına Kırshnerdiń senat saılaýynda jeńiske jetýi mańyzdy. Sebebi, bul jeńis ony qylmystyq qýdalaýdan aman alyp qalmaq. Sebebi qazirgi el bıligi Kırshnerge qatysty tergeý jumystaryn júrgizip jatyr. Oǵan «otanyn satty» degen aıyp taǵylyp otyr. Tergeý jumystary oń nátıjesin berse Krıstına Kırshner 10 jylǵa bas bostandyǵynan aıyrylýy múmkin. Al eks-prezıdenttiń ózi mundaı aıyptaýmen kelispeı otyr.
Krıstına Kırshner memleket basshysy laýazymynda 2007-2015 jyldary otyrǵan.