Urlanǵan velosıped «Sergek» beınebaqylaý kameralarynyń arqasynda anyqtaldy. Kún saıyn atalǵan beınekameralar 200-den astam túrli qylmys pen buzýshylyqty anyqtaýǵa múmkindik berip otyr, dep habarlaıdy Astana ákimdiginiń medıa ortalyǵy.
«15 qazanda IID Jedel basqarý ortalyǵynyń qyzmetkeri Bógenbaı dańǵyly boıynsha júris bóliginde mas kúıde janjal shyǵaryp júrgen belgisiz er azamatty baıqaǵan. Atalǵan jerge shuǵyl túrde polıseıler jasaǵy baǵyttaldy. Olar buzaqyny ustap, polısııa bólimine jetkizdi jáne QR ÁQBtK 440-b. boıynsha ákimshilik hattama toltyrdy», delingen Astana qalasynyń IID baspasóz qyzmeti taratqan habarlamada.
Sondaı-aq 16 qazanda tańǵy saǵat 6.00 shamasynda beınebaqylaý kamerasy arqyly Respýblıka-Kenesary kósheleriniń qıylysynda velosıpedti urlaý faktisi tirkelgen. Polısııa jasaqtary 36 jastaǵy azamatty ustady jáne ári qaraı tergeý úshin polısııa bólimshesine jetkizdi. Atalǵan fakt QR QK 188-baby boıynsha (urlyq) tirkeldi. Tergep-tekserý júrgizilip jatyr.
Jalpy, «15 qazannan bastap «Sergek» beınekameralary júıesi arqyly 1371 ákimshilik quqyq buzýshylyq anyqtaldy. Onyń ishinde 20 fakti - usaq buzaqylyq, 135 fakti - qoǵamdyq oryndarda alkogoldi sýsyndar ishý, 145 fakti - qoǵamdyq oryndarda mazalaý, 300-den astam fakti - jol júrisi qaǵıdasyn buzý jáne shamamen 700 faktige jýyq basqa da buzýshylyqtar anyqtaldy. Sondaı-aq JBO beınekamera arqyly 7 qylmystyq quqyq buzýshylyq, onyń ishinde buzaqylyq, bótenniń múlkin urlaý, tonaý ashyldy».