Keshe «Astana Arena» stadıonynda «Jasóspirimder arasyndaǵy quqyqbuzýshylyqtyń aldyn alý» baǵdarlamasynyń aıasynda «Astana» FK negizgi quramnyń fýtbolshylary jastarǵa arnalǵan sheberlik sabaǵyn ótkizdi, dep habarlady Astana qalasynyń dene tárbıesi jáne sport basqarmasy.
Sheberlik sabaǵy barysynda fýtbolshylar balalarmen áńgimelesip, quqyqbuzýshylyqqa barmaýdy jáne salaýatty ómir saltyn saqtap, sportpen shuǵyldanýǵa shaqyrdy.
«Sizder durys tańdaý jasadyńyzdar. Soportpen shuǵyldanǵan durys, tek fýtbolmen emes, ár bireýińiz ózderińizge unaıtyn sport túrlerin tańdarsyzdar. Tek sizderge aıtarym, ár qaısyńyz maqsattaryńyzǵa jetýge tyrysyńyzdar jáne esterińizde saqtańyzdar álemdegi eń jaqsy qasıet -adaldyq pen shyndyq», dep tilek bildirdi «Astana» FK-nyń fýtbolshysy Evgenıı Postnıkov.
Is-sharanyń uıymdastyrýshylary Astana qalasynyń prokýratýrasy men dene tárbıesi jáne sport basqarmasy.