Búgin QR Premer-Mınıstri Baqytjan Saǵyntaev «EYDU-nyń Eýrazııa aptalyǵy – 2017» forýmynyń ashylý saltanatyna qatysyp, shara qatysýshylaryna alǵy sózin arnady. Bul týraly primeminister.kz habarlady.
Qazaqstannnyń EYDU-men yntymaqtastyǵy 2008 jyldan bastap Eýrazııalyq básekege qabilettilik baǵdarlamasy (EBB) aıasynda júzege asýda. Baǵdarlamanyń qatysýshylary — Kavkazdyń, Shyǵys Eýropanyń jáne Ortalyq Azııanyń 13 eli.
EBB aıasyndaǵy EYDU negizgi sharasy jyl saıynǵy qorytyndy shara — «Eýrazııa aptalyǵy». Onda EYDU-ǵa múshe 35 eldiń ókilderi Eýrazııalyq kontınenttiń seriktes elderimen qarym-qatynasty nyǵaıtý joldaryn talqylaý úshin kezdesedi. О́tken jyly Parıjde ótkizilgen «Eýrazııa aptalyǵynyń» qorytyndysy boıynsha Qazaqstan 2017 jyly kóshpeli otyrys ótkizetin el retinde tańdaldy.
Búginde sharaǵa EYDU elderiniń elshileri men mınıstrleri, EBB-nyń 13 eliniń úkimetteri men memlekettik organdarynyń músheleri qatysýda. Sondaı-aq, forýmǵa qatysý úshin EYDU bas hatshysy Anhel Gýrrıa keldi. Ol uıymǵa 2006 jyldan bastap basshylyq etedi, ótken jyly 2021 jylǵa deıin úshinshi merzimge qaıta saılandy.
Baqytjan Saǵyntaev forýmnyń ashylý saltanatyndaǵy sózinde Qazaqstan Eýrazııalyq keńistikte ekonomıka men saýdany damytý boıynsha ıntegrasııalyq prosesterge qoldaý bildiretinin atap ótti. Osyǵan oraı, respýblıka Eýrazııadaǵy áleýmettik jáne ekonomıkalyq damýdyń turaqtylyǵyn arttyrýǵa, zamanaýı eksporttyq saıasatty quryp, EYDU-men tikeleı yntymaqtastyq ornatý kezinde ınnovasııalyq kásipkerlik qyzmetin yntalandyrýǵa úlesin qosýdy odan ári jalǵastyrýǵa nıetti.
EYDU — demokratııa men erkin naryqtyq ekonomıka qaǵıdalaryna sáıkes ózara áreket etýshi, básekege asa qabiletti elderdiń halyqaralyq ekonomıkalyq birlestigi. N. Nazarbaevtyń tapsyrmasyna sáıkes, Qazaqstan ekonomıkasynyń úshinshi jańǵyrýy aıasynda Yntymaqtastyqtyń eldik baǵdarlamasyn iske asyrý qorytyndysy boıynsha alynǵan EYDU-nyń usynystary men úzdik tájirıbelerin engizý úshin Ulttyq jol kartasynyń jobasy ázirlenip, bekitildi.
Bıyl EYDU Eldik baǵdarlamanyń 2018 jyldyń sońyna deıin áreket etýin maquldady. Ol memlekettik satyp alýlar, bıýdjettik basqarý, MJÁ, synı tegeýrinder, bıznesti óńirlik damytý, salyq salý jáne t. b. baǵyttar boıynsha 13 jańa jobany iske asyrýdy kózdeıdi.