Aımaq basshysy Qumar Aqsaqalov «Paryz 2017» jáne «Eńbek joly» oblystyq baıqaýynyń jeńimpazdaryna arnaıy marapattardy saltanatty túrde tabys etti.
«О́ńirde shaǵyn jáne orta bıznes qarqyndy túrde damyp keledi. Bıyl kásipkerlik sýbekt ókilderi bıýdjetke 18 mlrd teńge salyq quıdy. Bul ótken jyldyń osy kezeńimen salystyrǵanda 25 paıyzǵa kóp. Ekinshi deńgeıdegi bankter bıznes salasyna 38 mlrd teńge nesıe berdi», dedi Qumar Irgebaıuly.
Memleket basshysy osydan on jyl buryn «Paryz» baıqaýyn jarııalap, oǵan 212 soltústikqazaqstandyq kásiporyn qatysqan bolatyn. Olardyń arasynan 14-i respýblıkalyq kezeńniń laýreattary men júldegerleri atanǵan.
«Paryz – jetistiktiń 10 jyldyǵy» baıqaýy aıasynda oblys ákiminiń alǵys hatymen «Mamlıýt un úgý kombınaty» men «Sultan elevator-dıirmen-makaron kesheni» marapattaldy.
«Eńbek joly» baıqaýynda «úzdik eńbek áýleti» atalymy boıynsha «Petropavl №2 jylý elektr ortalyǵynda» eńbek etetin Zozýlıa otbasy jeńiske jetti. «Jumys isteıtin jastardyń úzdik tálimgeri» atalymynda «Ahmýtdınov» JK-niń aǵash sheberi Meıirhan Qasymov úzdik dep tanyldy. «О́ndiristiń úzdik jas qyzmetkeri» bolyp «Radýga» JShS sheberi Rýslan Tolstyh atandy.
«Paryz 2017» baıqaýy boıynsha «Úzdik áleýmettik jaýapty kásiporyn atalymynda «Daıyndyq-Agro», «Prometeı-Agro» jáne «Nejınka-Erke» JShS-teri jeńiske jetti. «Eńbek qorǵaý salasyndaǵy úzdik kásiporyn» jáne «Úzdik ujymdyq shart» atalymyndaryna «Qazaqtelekom» AQ-nyń oblystyq fılıaly, «Móldir sý - 2016» JShS jáne «Andreevka SK» JShS laıyq dep tanyldy.
Onnan ozǵan júırikter Astanada ótetin respýblıkalyq baıqaýda oblys namysyn qorǵaıtyn bolady.
О́mir ESQALI, «Egemen Qazaqstan»