Búgin Soltústik Qazaqstan oblysynyń О́ńirlik kommýnıkasııa qyzmetinde Soltústik Qazaqstan oblysy ákimdiginiń Mádenıet, muraǵattar jáne qujattama basqarmasy orynbasarynyń jáne Ulttyq delfıı oıyndary ókilderiniń qatysýymen brıfıng ótti.
Bıyl Ulttyq delfıı oıyndary Petropavl qalasynda ótedi. Qazaqstannyń 12 óńirinen, Almaty men Astanadan eń daryndy delfıılikter elimizdiń soltústiginde jınalatyn bolady. Shyǵarmashylyq jobanyń uıymdastyrýshysy Ulttyq delfıı komıteti bolyp tabylady. Soltústik Qazaqstan oblysy ákimdigi ónerdiń joǵarǵy dárejeli forýmyn óz qalasynda ótkizip, HIII Ulttyq delfıı oıyndaryn ótýine atsalysqysy keletindigin alǵashqylardyń biri bolyp habarlady.
- Biz Qazaqstan Respýblıkasynyń HIII Ulttyq delfıı oıyndary sııaqty osyndaı abyroıy asqaq mádenı joba 2018 jyly elimizdiń basty oqıǵalary: QR elordasy - Astana qalasynyń 20-jyldyǵyn jáne Qazaqstan men Reseıdiń halyqaralyq yntymaqtastyqtyń HÚ-shi Forýmyn Petropavl qalasynda merekeleý is-sharalaryn ótkizýge ıtermeleýshi kúsh bolatynyn erekshe maqtanyshpen aıtamyz - dep atap ótti SQO Mádenıet, muraǵattar jáne qujattama basqarmasy basshysynyń orynbasary Záýre Nurmuhanova.
Brıfıng barysynda belgili bolǵandaı Petropavl qalasynyń turǵyndary men qonaqtaryna elimizdiń daryndy jastarynyń shyǵarmashylyǵymen 20-dan asa alańdarda tanysýǵa múmkindik týady.
-Ulttyq Delfıı oıyndary - bul eń aldymen soltústik óńirdiń mádenı jáne ǵylymı dástúrlerin dáripteýge, erekshe jarqyn daryndardy tabýǵa, bizdiń jastardyń rýhanı baıýyna múmkindik týǵyzatyn «Rýhanı jańǵyrý» baǵdarlamasy aıasynda qoıylǵan tapsyrmalarǵa sáıkes keletin mádenı oqıǵa. 13-shi Ulttyq Delfıı oıyndarynyń aıyryqsha ereksheligi ol Ekinshi Paradelfıılik oıyndardyń estý qabileti buzylǵan balalarǵa arnalǵan «Horeografııa» men «Ishara tilinde án oryndaý» degen eki nomınasııasy, sonymen qatar jańa qosylǵan «Arbaǵa tańylǵan jandar bıi» nomınasııasynyń tusaýyn kesý bolyp tabylady» - dep atap ótti Ulttyq delfıı komıtetiniń dırektory, joba jetekshisi Quralaı Túsipbekova.
Qarashanyń 1-nen 5-ne deıin mádenıet pen óner salasynda kópten kútken oqıǵa - HIII Ulttyq delfıı oıyndary ótedi. Bul oıyndar jastardyń kóńilin aýdartý jáne oblystar mádenıetimen tanystyrý maqsatynda jyl saıyn ártúrli oblystar ortalyqtarynda ótkiziledi. Bıylǵy jyly atalmysh oıyn Soltústik Qazaqstan oblysynyń Petropavl qalasynda ótkiziletin bolady.
О́ner salasyndaǵy mańyzdy forýmnyń negizgi maqsattarynyń biri - daryndy jasampaz jastardy anyqtap, qoldaý kórsetý, oryndaýshylardyń kásibı deńgeıin joǵarlatýǵa septigin tıgizý, asqaq óner arqyly jas býyn ókilderine patrıottyq tárbıe berý bolyp tabylady. Bıylǵy jyly 18 nomınasııa boıynsha ótinishter qabyldandy. Olardyń arasynda fortepıano, baıan, akkordıon, ulttyq aspaptar, teatr, halyq ánderin, akademııalyq, estradalyq ánderdi oryndaý, halyq bıi jáne zamanaýı bıler, foto sýret, telejýrnalıstıka, qysqa metrajdy kıno (vıdeorolıkter), beıneleý óneri, kıim dızaıny, dekoratıvti-qoldanbaly óner jáne basqalary bar.
О́mir Esqalı,
"Egemen Qazaqstan"