Oblys ákimi Qumar Aqsaqalov Petropavl qalasynda qoldanysqa berilgen 126 jáne 75 páterli úılerdi aralap, baspana ıelerimen tildesti. Páter ıeleri memlekettik qoldaýdyń arqasynda keń ári jyly úıge ıe bolǵandaryn úlken qýanyshpen jetkizdi.
О́ńirde memlekettik turǵyn-úı baǵdarlamasy qarqyndy júzege asyrylyp keledi. 2016 jyly 619 páterli 7 úı iske qosyldy. Byltyr «Nurly jer» baǵdarlamasy aıasynda 50 myń sharshy metr , bıyl 83 myń sharshy metr baspana turǵyzyldy.
Turǵyn-úı qurylys jınaq banki arqyly bıyl 4 úı qoldanysqa berildi. Jyl sońyna deıin 222 páterli 3 ıpotekalyq úı jáne 400 páterge shaqtalǵan jalgerlik-kommýnaldyq 4 úı boı kóteredi
«Bıyl 11 turǵyn úı qoldanysqa beriledi. Sóıtip 1003 otbasy jaıly páterlerge ıe bolady. Onyń 400-in áleýmettik qorǵalmaǵan toptar, onyń ishinde kóp balaly analar, múgedekter alatyn bolady»,- dedi Qumar Irgebaıuly.
Sóz arasynda 2012 jyldan beri Petropavlda bar bolǵany myń páter berilse, tek bıyldyń ózinde osynshama baspana halyq ıgiligine tapsyryldy.
Kelesi jyly 15 úı salynyp, 1660 otbasy qonys toıyn toılaıdy. Turǵyn úıler negizinen Bereke, Jas О́rken shaǵyn aýdandarynda jáne Jýkov kóshesi boıynda turǵyzylady.
О́mir Esqalı,
«Egemen Qazaqstan»
Soltústik Qazaqstan oblysy.