29 qazan kúni Astana qalasyndaǵy «Kerýen» saýda ortalyǵynda Qazaqstan boks kúni atalyp ótilmek.
Bul týraly QR Boks federasııasynyń baspasóz qyzmeti habarlady.
Sharaǵa Olımpıada jeńimpazdary men júldegerleri, ulttyq qurama komanda músheleri qatysady. «Bul kúni jankúıer bolyp, qoldaý bildirýge kelgen azamattar bylǵary qolǵap sheberlerimen sýretke túsip, qoltańba alý, sondaı-aq qyzyqty oıyndarǵa qatysyp, ártúrli syılyqtar alý múmkindigine ıe bolady», - delingen habarlamada.
Shara saǵat 16:00-de bastalady.