Latyn qarpine kóshý jóninde kópten beri aıtylyp kele jatyr. Sońǵy kezderi bul másele el kóleminde qyzý talqylanyp jatqan jaıy bar. Qazir biz latyn qarpine qaıta oralyp jatyrmyz deýge bolady.
Menińshe, latyn qarpine kóshýdiń eshqandaı qıyndyǵy joq. Kırıll jazýyn da, arab jazýyn da bastan ótkergenbiz. Qazir latyn qarpiniń ózgesheligi, basqa jazýlardan artyqshylyǵy, bizdiń tabıǵatymyzǵa jaqyndyǵy týraly pikirler aıtylyp jatyr. Pikirlerdiń kóp bolǵany durys. Alaıda salmaqty pikirlerdi kóldeneń kók attylar emes, maman adamdar jetkizse, sońǵy sózdi solar aıtsa degen tilek bildirgim keledi. «Bir árip – bir dybys» degen joba kóńilden shyǵady. Degenmen keıbir ǵalymdar tarapynan dıgraf pen bir árip – bir dybys júıesin qatar qoldanaıyq dep jatqandar da bar. О́z basym qazaq zııalylary ustanǵan jol bir árip – bir dybys júıesin tolyq quptaımyn. Endi tezirek bekitse ári qaraı jumys júre beredi dep oılaımyn.
Qoryta aıtqanda, latyn qarpine kóshý qazaq qoǵamy úshin asa qajet dúnıe. Bul – álemdik úrdis. Dúnıe júzi osyǵan bara jatyr. Biz jeke aral bolyp, ózimizben ózimiz qala almaımyz. Qaıta soǵan ene bilýimiz, boılaı bilýimiz kerek. Keıingi urpaqtyń sanasyna sińirgenimiz jón. Biraq bul iste asyǵystyq tanytýǵa bolmaıdy. Eldiń narazylyǵyn týdyratyn, ult arazdyqty qozdyratyn jaǵdaılardan boıdy aýlaq ustap, baıyppen, aqylmen, salqyn sabyrmen sheshkenimiz abzal.
Arap ESPENBETOV, fılologııa ǵylymdarynyń doktory, professor SEMEI