Astanada ótken «Bilim berýdiń jarqyn bolashaǵyna arnalǵan qundylyqtar, ál-aýqattylyq jáne ınnovasııa» IX halyqaralyq ǵylymı-tájirıbelik konferensııasyna AQSh-tyń Arızona shtaty ýnıversıtetinen kelgen, tegi fındik ǵalym, bilim berý salasyndaǵy eńbekteri úshin kóptegen bedeldi syılyqtardy alǵan ekspert Pası Salberg osy saýaldy qoıdy.
Ol 2007-2008 jyldardan bastap zertteýshilerdiń AQSh, Ulybrıtanııa, Germanııa sııaqty aldyńǵy qatarly elderdiń bilim salasy boıynsha álemdik reıtıngte úzdik nátıjeler kórsete almaıtyny jóninde másele qoıa bastaǵanyn aıtty. Munyń birden-bir sebebi, álemdegi kóptegen bilim júıeleri mektepter arasyndaǵy jarysty alǵa jyljýdyń eń tıimdi joly dep biledi eken. Bul rette AQSh-ty mysalǵa keltirýge bolady. Al Fınlıandııa, Kanada, Japonııa sııaqty elderde bilimniń ozyq júıesi basymdyqty mektepter men muǵalimder, oqýshylar arasyndaǵy áriptestikke súıeıdi. Sondaı-aq damyǵan elderdiń arasyndaǵy qatelikterdiń biri – reformalarǵa qumarlyq pen jekeshelenirý ıdeıasyna tym berilip ketý, dedi ol.
Pası Salberg munyń búkil álem boıynsha bilim júıesine engizilgen vırýs ekenin aıtady. «Bul qandaı da bir ekpe. Ony medısınadaǵy indetpen kúreskendegideı emdeý kerek. Reformalardan buryn júıeni jaqsartý jolyndaǵy turaqty jumys kerek. Eger bir tetik durys jumys istemese, túzeýge tyrysqan abzal. Bilim júıesinde reforma iske aspaı jatsa, ony jaıyna qaldyryp, kelesisine kóshe beretin ádetten arylǵan abzal, deıdi ǵalym.
Dýman ANASh,
«Egemen Qazaqstan»