Álipbı aýystyrý isi eshbir salany aınalyp ótpeıdi. Dúnıege kelgen baladan, eńkeıip ótip bara jatqan urpaqqa deıin álipbı aýystyrýdyń ózektiligin de, qajettigin de kórip otyr. О́nerimiz de, ómirimiz de tilimizge táýeldi.
О́z basym áý bastan-aq latyn álipbıin qoldanýdaǵy ýmlıaýt (noqat) tańbasyn paıdalanǵan sońǵy jobany qoldaıtyn ustanymymdy buǵan deıin de baspasóz betterinde bildirdim. Jeti ret ólshep, bir-aq keseıik degendi alǵa tarttyq.
Árıne, álipbı aýystyrý tarıhı jaýapkershilik. Bul el ómirindegi eleýli úderis. Álipbı aýystyrý mamandyǵymyzǵa da shyǵarmashylyǵymyzǵa da ólsheýsiz ózgerisin ákeledi. Bul bilimniń, mádenıettiń álemdik aıdynyna shyǵýǵa orasan septigin tıgizedi. Bul uly ózgeris bolashaq úshin kerek, keıingi urpaǵymyzdyń álemdik qaýymdastyqqa ońaı sińip ketýi úshin de qajet.
Menińshe, noqat tańbasy ádebı, tarıhı, ǵylymı baı muralarymyzdy shashpaı-tókpeı transkrıpsııalaýǵa jeńildik týdyrady dep oılaımyn. Sondyqtan Elbasy qabyldaǵan sheshimdi tarıhı uıǵarym dep esepteımin.
Abdrahman ASYLBEK, Qazaqstannyń eńbek sińirgen qaıratkeri, aqyn
ALMATY