ÁLEM ChEMPIONATY ASTANADA О́TEDI

Halyqaralyq áýesqoı boks federasııasynyń keńeıtilgen alqa májilisiniń ekinshi jumys kúninde birneshe másele qaraldy. Sonyń eń bastysy, álem chempıonaty ótetin qalanyń tanystyrylymy boldy. Oǵan áýeli bes el óz kandıdatýralaryn usynǵan eken. Aqyry jarysa kele 2011 jylǵy jas­óspirimder arasyndaǵy álem chempıonatyn ótkizýge Qazaqstan men Taıland laıyq dep sheshilipti. Biraq, taı eliniń ókilderi sońǵy sátte AIVA-nyń talap-tilekterimen kelise almaı, chempıonatty ótkize almaımyz dep málimdegen eken. Sondyqtan atalmysh sharany ótkizý quqyǵyna Qazaqstan ıe bolyp qalypty. Osyǵan baılanysty alqa májilisinde Qytaıǵa bizdiń delegasııany bastap barǵan Boks federasııa­synyń vıse-prezıdenti Janbolat Sársenov AIVA atqarý komıteti músheleriniń aldynda Qazaq eliniń tanystyrylymyn ótkizdi. Munda onyń baıandamasy­men qosa týǵan respýblıkamyz týraly beıne-baıan kór­setilip, álem chempıonaty ótetin Astana qalasy­ny­ń múmkindigi men sport keshenderi tanystyryldy. Osy jerde Sársenov myrza chempıonatqa qatysatyn elderdiń barlyǵyna Qazaqstan tarapynan jatyn oryndar men tamaǵyna jeńildikter jasalatyndyǵyn jáne boks óneri kenje qalyp kele jatqan elderdiń jol aqysyn Qazaqstan jaǵy ózi kóterip alatyn­dyǵyn aıtty. Osydan keıin alqa músheleri bir aýyzdan Qazaqstandy qoldady. AIVA prezıdenti Chın Ko Vý boksqa qamqorlyq tanytyp otyrǵan Qazaq eline, onyń ishinde ulttyq federasııa basshylaryna óz rızashylyǵyn bildirdi. Artynsha Janbolat Sársenov pen AIVA atqarýshy dırektory Ho Kım arasynda álem chempıonatyna baılanysty birneshe qujattarǵa qol qoıyldy. Soǵan sáıkes, qazaq tarıhynda alǵash ret Astana qalasynda bokstan álem chempıonaty ótetin bolyp sheshildi. Kelisim jasalǵan soń, Boks federasııasynyń ókili bıyl jazda elordada ótetin bokstan Prezıdent Nursultan Nazarbaevtyń Kýbogy úshin halyqararlyq týrnırde WSB (Búkilálemdik boks serııasy) básekeleriniń tanys­­tyrylymy ótip, bir-eki jekpe-jek uıym­dastyrý nıette ekendikterin aıtty. Osy kúni AIVA tóreshileriniń jumysy jóninde de másele qaraldy. Qazir olarǵa erekshe mán berilip, qazylarǵa óz qyzmetterin adal atqarý úshin barlyq jaǵdaı jasalýda. Jıynda sóz alǵan AIVA atqarýshy dırektory Ho Kım myrza aldaǵy aqpan aıynan bastap, Kanadanyń Toronto qalasynda AIVA tóreshileriniń akademııasy ashylyp, onda olardyń biliktiligi jetildiriletindigin aıtyp ótti. Ho Kım: “Munda AIVA sanatyn alýǵa nıettengen tóreshilerde úsh aılyq daıyndyq kýrsynan ótkennen keıin,synaq tapsyrý arqyly AIVA sanatyndaǵy tóreshi atanýyna tolyq múmkindik bar. Jáne de biz ádilqazylar alqasy kıimderiniń barlyǵyn jańa úlgige kóshiretin boldyq”, dedi. Taǵy bir aıta ketetin jańalyq, AIVA alqasynyń sheshimi boıynsha áýesqoı boks báseke­leriniń bir salmaq dárejesi qysqaratyn bolady. Atap aıtqanda, endi erler arasyndaǵy salmaq dárejesi 49 kılodan bastalady. 52 kılo sol kúıinde qalyp, 54 kılo men 57 kılo biriktirilip, 56 kılo salmaq dárejesi bolyp bekitildi. Ary qaraı salmaq dárejeleri sol kúıinde qalady. Sonda erler arasyn­daǵy salmaq dárejeleriniń sany 10, al áıelder arasyndaǵy úsh salmaqty qosqanda, Olımpııa oıyndarynda 13 salmaq dárejesi boıynsha jeńimpaz ben júldegerler anyqtalatyn bolady. Jınalǵandar jańa salmaq dárejeleri kóńilden shyǵatyndyǵyn, oǵan boksshylardyń tez beıimdelip ketetindigin biraýyzdan maquldady. Áıelder boksy demekshi, májiliste olardyń da aldaǵy álem chempıonaty jóninde sóz boldy. Bıylǵy 11-17 qyrkúıekte Barbadosta dúnıejúzilik báseke ótpekshi. Osyǵan baılanysty jıynda áıelder boksynyń sonaý 1920 jyly bolǵandyǵyn rastaıtyn Ulybrıtanııa muraǵatynan alynǵan arnaıy beıne­taspa kórsetildi. Onda olar etek-jeńi keń kóılek pen qoldaryna boks qolǵabyn kıip tóreshisiz judyryq­tasqan eken. Jıynda bul sol kezdegi kórer­meniń qyzyǵýshylyǵyn arttyrý úshin jasalǵan shara eken­digi aıtyldy. Osydan keıin májiliste Bar­bados­tyń áıelder álem chempıonatyna daıyn­dyǵy AIVA ko­mıs­sııasynyń kóńilinen shyqpaıtyn­dyǵy esker­tildi. Eger de jaqyn ýaqytta jaǵdaı ózgermese onda bul shara basqa jerge aýystyrylatyn bolyp kelisildi. Budan keıin bıylǵy jastar arasyndaǵy álem chempıonatyna daıyndyq barysy qaraldy. Sın­gapýrda ótetin jasóspirimder arasyndaǵy Olım­pııa oıyndaryna lısenzııalyq álem chempıonaty Fran­sııanyń Nıssa qalasynda ótýge tıis bolatyn. Biraq qazirgi qarjylyq daǵdarysty jeleý etken fran­sýzdar ony ótkizýden bas tartypty. Byltyrǵy jeltoqsanda AIVA prezıdentiniń kýbogy jolyndaǵy halyqaralyq týrnırdi ótkizip, kózge túsken ázirbaıjandyqtar osy sátti utymdy paı­dalanyp, óz kandıdatýrasyn usynyp qoıypty. Endi álem chempıonaty 22 cáýir men 2 mamyr aralyǵynda Bakýde ótetin boldy. Júldege ilingen órenderdiń barlyǵy Sıngapýrge barady. Teljan KÚDEROV, arnaıy “Egemen Qazaqstan” úshin – Sıamıannan (QHR). “ASTANANYŃ”  VENADAǴY TUSAÝKESERI О́tken senbide Venada álemge tanymal “Astana” veloshabandozdar koman­dasynyń resmı tusaý­keseri boldy. 2010 jylǵy maýsymǵa komanda “Týr de Frans” jarysynyń jeńimpazy Alberto Kontadordyń kóshbasshylyǵymen enip otyr. Qazaqstan demeýshisi bolyp taby­latyn komandanyń quramynda Kontadormen qatar Qazaqstannyń kásipqoı veloshabandozy Alek­sandr Vınokýrov, sondaı-aq Fran­sııadaǵy jarysta jeńiske jetken ıspandyq Oskar Pereıro, basqa da belgili sportshylar bar. Qazaqstannyń EQYU-ǵa tór­aǵalyǵyna baılanysty komanda­nyń tusaýkeseri onyń barlyq músheleriniń qatysýymen Vena­daǵy uıymnyń shtab-páterinde ótti. Tusaýkeserge “Samuryq-Qazyna” ulttyq ál-aýqat qory basqarmasynyń tóraǵasy Qaırat Kelimbetov bastaǵan qazaqstandyq delegasııa keldi. Endigi jerde “Astana” komandasynyń bas demeý­shisi “Samuryq-Qazyna” bol­ǵandyqtan qordyń sımvolı­ka­sy komanda formasynda beıne­lengen. Tusaýkeserge júzdegen adamdar – jankúıerler, halyqaralyq BAQ ókilderi, EQYU qyzmet­kerleri, dıplomatııalyq korpýs músheleri jınaldy. Sharanyń sońynda “Injý” ult-aspaptar ansam­bliniń konserti boldy. Talǵat JUMAǴULOV, Egemen Qazaqstan” – Venadan.