Chempıon sońǵy týrda anyqtalady

О́ıtkeni eki klýbtyń oıyny árqashan tartysqa jáne qyzyqqa toly ótetin. Al bul jolǵysy tipti erekshe bolatyn. Sebebi osy týrda chempıondyq ataq­­tyń taǵdyry sheshi­letin edi. Astanada ót­ken oıynda Stanımır Stoı­lov shá­kirtteri teń tússe, chem­pıon­dyqqa qol jetkizetin-di. Al «Qaırat» ko­mandasy úshin tek jeńis qajet boldy.

Eki komandanyń teke­tiresindegi alǵashqy taımda esep ashylmady. Ekinshi taımda qonaqtar negizinen qarymta shabýylǵa ıek ar­typ, oıyn sońynda degen­derine jetti. 71 mınýtta bu­­ryshtamadan asyrylǵan dopqa Aıbol Ábiken birinshi jetip, esep ashty. Osylaısha 21 jastaǵy «Qaırattyń» qorǵaýshysy premer-lıga­daǵy alǵashqy golyn soq­ty. 89 mınýtta Jerar Goý oıyndaǵy ekinshi goldy so­­ǵyp, «Qaıratqa» jeńis syı­lady.

Chempıonat aıaqtalmaı jatyp qola júldege qol jet­kizgen «Ordabasynyń» upaıy túgel. Al týrnır kestesinde tórtinshi oryn ıelenip, Eýropa lıgasynyń irikteý kezeńine joldama alý úshin Qostanaıdyń «Tobyly» men Pavlodardyń «Ertisi» sońǵy týrǵa deıin «shaıqasady». Qostanaıdyń komandasy HHHII týrda «Shahtermen» teń tústi. 10 mınýtta Jasulan Moldaqaraev «Tobyldy» alǵa shyǵarǵanmen, 83 mı­nýtta Mılan Stoıa­no­vıch penaltıden esep­ti teńes­tirip ketti. Pavlodar­dyń «Ertisi» sońǵy týr al­dyn­da Kókshetaýǵa qonaqqa ba­ryp, «Oqjetpes» koman­dasynan 2:1 esebimen basym tústi. Oıynnyń besinshi mınýtynda Rodrıgo gol soǵyp, qonaqtardy alǵa shy­ǵarsa, 12 mınýtta Sta­menkovıch esepti eseleı tústi. Al 27 mınýtta alań ıe­lerinen Dosmaǵambetov tablodaǵy kórsetkishti 1:2-ge deıin qysqartty. «Ertis» pen «Tobyldyń» arasyn qazir bir upaı ajyratyp tur.

Sóıtip «Ertisten» je­ńil­gen «Oqjetpes» premer-lıgadan shyǵyp qal­dy. Son­daı-aq «Taraz» komandasy da kelesi jyly birinshi lıgada dop tebetin bolady. 

Premer-lıganyń 32-týrynda mynadaı nátıjeler tirkeldi: «Astana» – «Qaı­rat» – 0:2, Ábiken, 71 (0:1). Jerar, 89 (0:2). «Aqjaıyq» – «Qaısar» – 0:0. «Atyraý» – «Taraz» – 3:2, Zaınutdinov, 69 (0:1). Sıkımıch, 71 (1:1). Haı­rýllın, 77 (2:1). Zaınutdinov, 79 (2:2). Ablıtarov, 81 (3:2). «Shahter» – «Tobyl» – 1:1, Moldaqaraev, 10 (0:1). Stoıa­novıch (penaltıden), 83 (1:1). «Oqjetpes» – «E­r­tis» – 1:2, Rodrıgo, 5 (0:1). Sta­menkovıch, 12 (0:2). Dos­­maǵambetov, 27 (1:2). «Aqtóbe» – «Ordabasy» – 2:0, Mýa­rem, 55 (1:0). Shımkovıch, 76 (2:0).

Chempıonattaǵy sońǵy 33-týr oıyndary 5 qarashada ótedi. Onda «Astana» – «Aq­jaıyq», «Ertis» – «Shahter», «Qaırat» – «Aqtóbe», «Or­dabasy» – «Oqjetpes», «Ta­raz» – «Qaısar», «Tobyl» – «Atyraý» kezdesedi. 

Surmergender: 1. Je­rar Goý («Qaırat») – 23; 2. Jý­nıor Kabananga («As­tana») – 17; 3. Pat­rık Tvýması («Astana») – 13.