Almatydaǵy SSKA tennıs ortalyǵynda Tokıoda ótken WTA týrnıriniń jeńimpazy Zarına Dııas jasóspirim sportshylarǵa arnap sheberlik sabaǵyn ótkizdi.
Álemdik tennıs qaýymdastyǵynyń WTA áıelder júıesinde 66-orynda turǵan otandasymyz Zarına Dııas ótkizgen sheberlik sabaǵyna 4-16 jas aralyǵyndaǵy 100-den asa jas tennısshi qatysty. Kezdesý barysynda ár qatysýshyǵa belgili sportshymen tennıs oınaýǵa múmkindik týdy. «Armandary bıik órendermen tennıs oınaý men úshin óte áserli boldy. Olardyń boılarynan atalǵan sport túrine degen erekshe qushtarlyqty kórip qatty qýandym. Búgingi sheberlik sabaǵyna kelgen balǵyn sportshylardyń kóptigi, elimizde osynaý ǵalamat sportqa degen qyzyǵýshylyqtyń kún sanap artyp kele jatqanyn ańǵartady. Jarystar kestesiniń tyǵyzdyǵyna baılanysty týǵan qalam Almatyǵa jıi kele bermeımin. Alaıda, ár kelgen saıyn shabyt alyp ketemin. Jastardyń jigerine qarap qazaq tennısiniń bolashaq juldyzdary ósip kele jatqanyna kózim jetti», – deıdi Zarına Dıas.
«Egemen-aqparat»