Jaqsy adamdar kóp qoı ómirde. Dúnıeniń osylaı turǵanyna olardyń kóp bolǵany sebep ekenin eshkim joqqa shyǵara almas. Qatty qınalǵan sátterde qol ushyn bergen qaıyrymy mol jandardyń eńbekterin qalaı maqtasań da jarasady. Jaqsydan sharapat kórip júrgen adamnyń biri retinde osyndaı azamattarǵa gazet arqyly alǵysymdy jetkizgim keledi.
Jýyrda men úshin úlken qýanysh boldy. Páterimniń isten shyqqan balkony men tozyǵy jetken qubyrlary jóndelip, adam tanymastaı ádemilendi. Árıne, bul ıgilikti, saýapty jumysqa uıytqy bolǵan Shahtınsk qalasy ákiminiń orynbasary N.Rystın, «Tavıs» JShS-niń proraby Nıkolaı Aleksandrovıch jáne qurylysshy-jumysshy J.Rýslan jáne ózge de azamattarǵa sheksiz rızashylyǵymdy bildiremin. Qazirgi tańda jalǵyz turyp jatqan men úshin bul kómektiń kóldeı ekenin aıtýdyń ózi artyq. Ákem shahtada jumys istep júrip opat bolsa, anamnyń dúnıe salǵanyna da edáýir boldy. Al, birge týǵan apaıym alysta, Almatyda turady.
Saýapty is jasaýdy jandaryna serik etken azamattardyń otbasyna amandyq, denderine saýlyq tileýden men qashanda jalyqpaımyn. Olardyń joldary aq bolsyn demekpin.
Svetlana QARABAEVA.
Qaraǵandy oblysy,
Shahtınsk qalasy.