Eýrazııalyq Top (ERG) quramyndaǵy «Qazaqstan Alıýmınııi» AQ jyl saıyn kásiporynda eńbek etken ardagerlerin qysqy otyn-kómirmen qamtamasyz etip keledi. Bıylǵy jylytý maýsymyna oraı 800 tonnaǵa jýyq kómir tegin jetkizilýde.
Kásiporynǵa kómir «Shubarkól kómir» AQ-tan tasylyp jatyr. Kómir tıegen kólikter kúnine birneshe ret jolǵa shyǵady. Ár zeınetkerge 2,5 tonna kómir túsirip beredi. Al zeınetkerlerden basqa, oblys ortalyǵynda peshpen jylytylatyn jer úılerde turatyn kásiporynnyń júzden asa jumysshy-qyzmetkerleri kómirdi ózindik qunymen satyp alady.
– Bizge kómirdi osylaı satyp alǵan tıimdi, – deıdi kásiporyn jumysshysy Beısembaı Aqjolov. – 5 tonna kómir jetkilikti. Shubarkóldiń kómiriniń kúli az jáne qyzýdy uzaq saqtaıtyny da belgili. Men turatyn kóshede 14 úı bar, olardyń bári kómir baǵasynyń tómendeýin kútip otyr. Al biz kómir jetkizip bergeni úshin zaýytymyzǵa rahmet aıtamyz.
Kásiporynnyń áleýmettik máseleler jónindegi vıse-prezıdenti Begzııa Ysqaqovanyń aıtýynsha, zaýyt basshylyǵy óz jumysshylaryna, zeınetkerlerine kómek kórsetýde. Qys kezinde kómirmen qamtamasyz etý bir rettik qana shara emes, bul shara – kásiporynnyń ujymdyq shartymen bekitilgen kepildik.
Farıda BYQAI, «Egemen Qazaqstan»
Pavlodar
Sýretti túsirgen Vıktorııa MAShKARINA