«Aýyl – bereke-2011» áli jalǵasady. Osymen on tórtinshi jyl qatarynan ótkizilip otyrǵan bul jármeńke bıyl da aımaq qalalary turǵyndaryn kúz yryzdyǵyna qaryq qylyp jatyr.
Oblystyń 9 aýdanynan artynyp-tartynyp jetetin eńbekkerler jınaǵan ónimderin tez ótkizip júr. Olar arnaıy bólingen oryndarda jeńildikpen saýda jasap, azyq-túlik túrlerin tómen baǵaǵa satady. Senbi kúngi osy aıdaǵy ekinshi jármeńkede 40 tonna et, 300 tonna kartop, qııar, pııaz, sábiz, ondaǵan tonna sút ónimderi qaraǵandylyqtaryń qysqy qoryn tolyqtyrdy. Temirtaý, Jezqazǵan, Balqash, Qarajal, Shahtınsk qalalarynyń turǵyndary da dastarqan baılyǵyn molyqtyrdy. Aldaǵa senbi taǵy jármeńke kúnine aınalmaq.
Aıqyn NESIPBAI, Qaraǵandy.
Altynsarın murasy búgin de ómirsheń. Aqtóbe memlekettik pedagogıkalyq ınstıtýtynda Qazaqstan Táýelsizdiginiń 20 jyldyǵyna arnalǵan «Ybyraı Altynsarınniń pedagogıkalyq murasy jáne qazirgi kezdegi etnomádenı bilim men tárbıe berý máseleleri» taqyrybynda respýblıkalyq ǵylymı-tájirıbelik konferensııa ótti. Bul shara uly pedagogtyń týǵanyna 170 jyl tolýyna oraı uıymdastyryldy. Oǵan Qazaqstan joǵary oqý oryndarynyń oqytýshy-ǵalymdary, oblystyq bilim basqarmasynyń, bilim qyzmetkerleriniń biliktiligin kóterý jáne qaıta daıarlaý ınstıtýtynyń qyzmetkerleri, mektep muǵalimderi, magıstranttar men stýdentter qatysty. Ǵylymı-tájirıbelik konferensııada Y.Altynsarınniń pedagogıkalyq murasynyń qazirgi bilim berý júıesindegi orny, uly pedagogtyń shyǵarmalaryn oqyp-úırenýdiń ádistemesi máseleleri sóz boldy.
Satybaldy SÁÝIRBAI, Aqtóbe.
Kókshetaý «Kınogermanııany» qarsy aldy. «Kókshetaý» mádenıet saraıynda bir jumaǵa sozylǵan «Kınogermanııa-2011» festıvali aıaqtaldy. Ony Astanadaǵy GFR elshiligi, Germanııanyń Almatydaǵy bas konsýldyǵy, Shveısarııa elshiliginiń qoldaýymen Qazaqstandaǵy Gete ınstıtýty uıymdastyrdy. Tuńǵysh festıval barysynda kókshelikter halyqaralyq jáne ulttyq baıqaýlardyń júldegerleri sapynan kóringen úzdik shyǵarmalarmen tanysty. Olardyń arasynda áıgili Berlın kınofestıvaliniń bas júldesin ıemdengen «Djýlııanyń joǵalýy», «Jumaq tórindegi tyǵyryq», «Tórt mınýt», «Hanymdar basseıni» sııaqty eńbekter bar. Sóıtip, Qazaqstan Táýelsizdiginiń 20 jyldyǵy aıasynda yntymaqty baılanys jalǵasyn tabýda. Qazaqstannyń 16 qalasynda «Kınogermanııa» festıvalin ótkizý josparlanyp otyr.
Baqbergen AMALBEK, Aqmola oblysy.
Táýelsizdik shamshyraǵynyń 15 jyldyǵy. El Táýelsizdiginiń mereıtoıy qarsańynda Petropavl qalalyq qazaq gımnazııasynyń 15 jyldyǵy keńinen atalyp ótti. Oblystyq mádenıet ortalyǵyna jınalǵan kópshilik aıtýly bilim ordasynyń qýanyshyna ortaqtasty. Petropavl qalasynyń ákimi Nurjan Áshimbetov ujymǵa oblys ákiminiń atynan jeńil kóliktiń sertıfıkatyn tabys etip, muǵalimder men qyzmetkerlerge bir aılyq jalaqy mólsherinde syıaqy beriletinin jarııa etti. 320 oryndy gımnazııa shańyraq kótergen jyly 266 ǵana oqýshy jınalsa, búginde olardyń sany 800-den asady. Osy merzim ishinde 17 túlek «Altyn belgi» ıegeri atandy.
О́mir ESQALI, Soltústik Qazaqstan oblysy.
Jýrnalısterdi marqaıtqan kún. Shyraıly Shyǵystyń úni «Dıdar» gazetine 80 jyl toldy. О́ńir basshysy Berdibek Saparbaev redaksııada bolyp, jýrnalısterdi mereıtoıymen quttyqtap, olardyń atqarǵan isterine joǵary baǵa berdi. Baspasóz – bılik pen halyqtyń arasyn jalǵap turatyn altyn kópir. Qandaı zaman bolsa da onyń alatyn orny erekshe. El birligi men yntymaǵy jaıly qalam terbep kele jatqan sizderge aldaǵy ýaqytta da jemisti eńbek tileımin, dedi oblys ákimi. Budan keıin óńir basshysy jýrnalısterdiń barlyǵyna noýtbýk pen fotoapparat tartý etti. Gazet tarıhynda tuńǵysh ret redaksııa ujymyna «Nıva» avtokóligin jáne bir páterdiń kiltin tapsyrdy.
Ońdasyn ELÝBAI, О́skemen.
Qos tursynǵa kórsetilgen qurmet. Bıylǵy jyly eki dos – biri ádebıet pen ǵylymnyń, biri án men saz óneriniń has sheberine aınalǵan Tursyn Jurtbaı men Tursynǵazy Rahımovtyń týǵanyna 60 jyl tolyp otyr. О́tken aptada olardyń bul jarqyn mereıtoılary Semeıde keńinen atalyp ótti. Belgili ǵalym-jazýshyǵa arnalǵan sharalar osyndaǵy Abaı qoryq-murajaıy men Shákárim atyndaǵy Semeı ýnıversıtetinde uıymdastyryldy. T.Jurtbaı Abaı jáne Shákárim medaldarymen marapattaldy. Al T.Rahımovtyń mereıtoıyna oraı Abaı teatrynda jas talanttardyń respýblıkalyq baıqaýy ótkizildi. Munda da 60-tan astam án shyǵarǵan ánshi-sazgerge tıisinshe qurmet kórsetildi.
Dáýlet SEISENULY, Semeı.
Kvartet repertýarynda – qazaq ánderi. Oblys ortalyǵyna amerıkalyq «Pol Bodrı men «Pathways» djaz kvarteti keldi. Elimizdiń basqa da qalalaryna shyqqan óner tobynyń saparyn elimizdegi AQSh elshiligi uıymdastyrdy. Alystaǵy eldiń mýzyka mádenıetin jurtshylyqqa tanystyrý maqsatynda júrgen djazmen-mýzykanttar Sultanmahmut Toraıǵyrov atyndaǵy oblystyq kitaphanada oqyrmandarmen júzdesip, pikirlesti. Pol Bodrı, Tım Armakost, Tonı Djeferson, Bennet Paster ózderiniń tobyn 2008 jyly Nıý-Iorkte qurǵan eken. Djazmen jigitter elimizge alǵash ret kelip otyr. Toptyń repertýarynda djaz janryna ıkemdelgen qazaq ánderi de bar bolyp shyqty.
Farıda BYQAI, Pavlodar.