Keden: Derek pen dáıek

Bul – qyzylordalyq keden­shiler jyldyq tapsyrmany 104,9 paıyzǵa oryndady degen sóz. Munymen qosa, kedendik qaıta ba­qylaý nátıjesinde 339 mln. 312 myń teńge tólemder men sa­lyq­tar qosymsha eseptelip, onyń 153 mln. 340 myń teńgesi óndirilip alynǵan. Aıta ketý kerek, oblystyq syrt­qy saýda aınalymy ótken jyly 836,9 mln. AQSh dollaryn qurasa, mundaǵy eksport úlesi – 443,5 mln., al ımport úlesi 393,4 mln. AQSh dollaryna teń. Osy de­rekterge qarap, syrtqy saýda aı­na­lymy ótken jyly aldyńǵy jyl­men, ıaǵnı 2008 jyldyń kór­set­­ki­shimen salystyrǵanda eki ese­deı kólemge tómendegenin baı­qaı­myz.

Erkin ÁBIL, Qyzylorda.

2 000 000 000 О́ńirdiń mádenıet salasyndaǵy  qurylysqa aǵymdaǵy jyly osynshama qarjy qarastyrý kózdelgen. Jyl ótken saıyn óńir jurt­shylyǵynyń rýhanı qajetin óteıtin mádenıet salasyna bó­lin­gen qarjy kólemi ósip keledi. Qazirgi kezde 474 memlekettik mádenıet mekemeleriniń qata­ryn­­daǵy  223 mádenıet úıi, 225 kitap­hana, 22 murajaı, Bıken Rı­mova atyndaǵy oblystyq drama teatry jáne basqa da shyǵarmashylyq ortalyqtary “Mádenı mura” baǵdarlamasy boıynsha jumys isteýde. О́tken jyly osylardyń qa­ta­ryna jańadan 15 mádenıet úıi men klýb, 11 kitaphana qosyldy. Al ústimizdegi jyly  mundaı úr­d­is jalǵasyn taýyp, mádenıet sa­lasyndaǵy 4 nysannyń qury­ly­sy men 29 nysannyń kúrdeli jóndelýine bıýdjetten 2,0 mlrd. teńge qarastyrý oılastyrylyp otyr. Sóıtip, jetisýlyqtardyń rýhanı jaǵynan baıýyna jan-jaqty jaǵdaı jasalmaq.

Kúmisjan BAIJAN, Almaty oblysy.

900 000 000 Bul – Mańǵystaý oblysynda “Jol kartasy” baǵdarlamasy boıynsha densaýlyq saqtaý salasynyń qurylys nysandaryn salý men jóndeýge bólingen qarjy kólemi. Osynshama qyrýar qarjy­nyń qaıtarymy da joq emes. Oblysta ótken jyl ana men bala jyly bo­lyp belgilenip, birshama jetistik­terge qol jetti. Ana men bala ólimi azaıdy. Aımaqta sońǵy kezde keń etek alǵan ókpe aýrýy da aldyńǵy jylmen sa­lys­tyrǵanda, 22 paıyzǵa tómen­dedi. Sábıler qataryn kóbeıtýde respýblıkada aldyńǵy oryndar­dyń birine kóterilgendik baı­qalady. Bul kúnderi salanyń jeti úlken nysanynyń qurylysy  qar­qyndy júrip jatyr. “Osy je­tistikterdi jalǵastyra túsý úshin 2010 jyldy otbasy jyly dep belgiledik”, – deıdi oblys­tyq densaýlyq saqtaý basqar­ma­sy­­nyń bastyǵy Serikbol Mýsınov.

Jolaman BOShALAQ, Mańǵystaý oblysy