Astanada Elbasy Nursultan Nazarbaevtyń tóraǵalyǵymen «Nur Otan» partııasy Saıası keńesiniń keńeıtilgen otyrysy ótip jatyr.
«Bıyl «Nur Otan» partııasynyń qurylǵanyna 18 jyl bolady. Bul adam ómiriniń ólshemindegi alǵashqy kámelettik jas bolyp sanalatynyn bilesizder. Osy ýaqyttyń ishinde partııamyz shynyǵyp, shyńdalyp, elimizdegi eń úlken saıası kúshke aınalǵany belgili. Qurylǵan kúnnen bastap barlyq eldik isterdiń basy-qasynda bolyp kele jatyr», dedi búgin «Nur Otan» partııasy Saıası keńesiniń keńeıtilgen otyrysynyń ashylýynda sóılegen sózinde Qazaqstan Prezıdenti Nursultan Nazarbaev. Sonymen qatar Memleket basshysy halqymyzdyń bereke-birliginiń artýyna, elimizdiń saıaı turaqtylyǵynyń nyǵaıyp, ekonomıkalyq reformalardy tabysty iske asyrýǵa da «Nur Otan» partııasy belsendi atsalysyp kele jatqanyn basa aıtty.
«Halyqpen tikeleı jumys istep, kezek kúttirmeı sheshilýge tıisti máselelerdi únemi nazarda ustap, naǵyz eldik partııa atandy. Oǵan ótken saılaýlardaǵy eldiń zor senimi aıqyn dálel. Sol saılaýlarǵa belsendi qatysqan bizdiń partııa músheleriniń istegen sharýasy, jergilikti uıymdardyń istegen sharýasy nátıjesinde halyqtyń júrgizip otyrǵan saıasatymyzǵa senip, biryńǵaı daýys bergenin kórip otyrmyz. Partııa bolashaqta da elmen etene bolyp, halyqqa qaltqysyz qyzmet etýdi jalǵastyra beredi dep senemin», dedi Nursultan Nazarbaev.
Elbasy partııa aldynda áli de kóp sharýalar bar ekendigin atap ótti. «Qajetti baǵdarlamanyń barlyǵy qabyldandy, ony ózderińiz de bilesizder. Degenmen qazirgi jaǵdaıda, dúnıedegi ǵylymı-tehnıkalyq damýdyń jańa salasyna búkil álem túsip otyrǵan kezde bizdiń alǵa qoıǵan maqsattarymyz az emes. Sondyqtan osynyń barlyǵyna partııa basshy bolyp, jergilikti jerlerde saıasatty túsindirýi qajet», dedi Prezıdent.
Qazaqstan Prezıdenti búgingi jaǵdaıdaǵy álemniń damýy partııa aldyna da zor maqsattar júkteıtindigin basa aıtty. «Sóz «Nur Otan» partııasynyń ózin jańǵyrtýmen baılanysty bolyp otyr. О́ıtkeni, el, ekonomıka jańǵyryp, soǵan sáıkes saıası kúshter de soǵan saı bolýy tıis», - dedi Nursultan Nazarbaev.
Memleket basshysy eldegi ahýaldyń turaqtanýyna, Qazaqstannyń damýyna, halyqtyń áleýmettik jaǵdaıynyń jaqsarýyna «Nur Otan» partııasy zor úles qosqanyn atap ótti. Parlamenttik saılaýlardan laıyqty deńgeıde ótip, shyn máninde Qazaqstannyń basty saıası kúshi quqyǵyna ıe bolǵanyn eske saldy. «Degenmen, bizde toqtaýǵa bolmaıdy. О́zderińiz de bilesizder, bıyl biz ekonomıkany, saıasatty, bizdiń qoǵamymyzdyń rýhanı salasyn jańǵyrtýǵa kiristik. Jańǵyrtý esh ýaqytta da ońaı bolmaıdy. Ol aıtarlyqtaı qarsylyqtardy týyndatýy múmkin. «Nur Otan» partııasynyń róli eń aldymen jańǵyrtý baǵdaryn saıası qoldaýdyń tetikterin qurýda», - dedi Prezıdent.
Dınara BITIK,
«Egemen Qazaqstan».