Búgin Qazaqstan Premer-Mınıstri Baqytjan Saǵyntaev Tashkentte Táýelsiz memleketter dostastyǵynyń úkimetteri basshylary keńesiniń otyrysyna qatysty. Tashkenttegi Táýelsiz memleketter dostastyǵynyń úkimetteri basshylarynyń keńesi otyrysynyń qorytyndysy boıynsha birqatar qujattarǵa qol qoıyldy.
Shaǵyn jáne keńeıtilgen quramdaǵy otyrys aıasynda ekonomıkalyq ózara is-qımyl men TMD-ǵa qatysýshy elderdiń saýda-ekonomıkalyq qarym-qatynasyn nyǵaıtýǵa jaǵdaılar jasaý boıynsha ózekti máseleler talqylandy.
«Atap aıtqanda TMD-ǵa qatysýshy memleketterde taýarlardyń kedendik qunyn anyqtaý jáne baqylaýǵa qajetti aqparatpen almasý týraly kelisim;
TMD aıasynda terrorızmmen jáne ekstremızmniń ózge de kúshteý sharalarymen, sondaı-aq, olardy qarjylandyrýmen kúres salasynda aqparatpen almasý týraly kelisim;
TMD-ǵa qatysýshy memleketterdiń jerdi melıorasııalaý salasyndaǵy yntymaqtastyǵynyń tujyrymdamasy jáne ony iske asyrý boıynsha birinshi kezekti sharalardyń jospary;
TMD-ǵa qatysýshy memleketterdiń munaı-gaz mashınasyn jasaý salasyndaǵy yntymaqtastyǵynyń tujyrymdamasy jáne ony iske asyrý boıynsha birinshi kezekti sharalardyń jospary;
TMD-ǵa qatysýshy elderde 2020 jylǵy kezeńde halyq sanaǵyn júrgizýge daıarlyq barysy týraly;
2020 jylǵa deıin TMD-ǵa qatysýshy elderde medısınalyq-áleýmettik kómek kórsetýdi jáne jergilikti shıelenisterge qatysqan soǵys ardagerleri men olardyń otbasy músheleriniń ómir sapasyn arttyrýdy odan ári damytýdyń negizgi baǵyttaryn iske asyrý boıynsha sharalar josparyn 2018 jyly qarjylandyrý týraly» delingen Premer-Mınıstrdiń baspasóz qyzmeti taratqan málimette.