Talasta qala ákimshiligi ǵımaratynyń aldynda mıtıng ótti, dep jazady 24.kg.
Quqyq qorǵaý organdarynyń habarlaýynsha, mıtıngke eń kemi júz adam jınalǵan. Qala bıligi mıtıngke shyqqandarǵa apparatýra men trıbýna qoıýǵa tyıym salǵan. Aksııa zańsyz ótkizilip jatqandyqtan, olarǵa stadıonǵa barý da usynylǵan. Biraq jınalǵandar oryn aýystyrýdan bas tartyp, memleket prezıdentiniń keshirim suraýyn talap etýde.
Esterińizge sala ketsek, buǵan deıin 29 qazan kúni de mıtıng ótken bolatyn. Qatysýshylar prezıdenttiń Talas oblysy turǵyndarynan keshirim suraýyn talap etýde. Olardyń aıtýynsha, memleket basshysy 18 qazan kúni Bishkekte stýdentterge bilim granttaryn tabystaý keshinde 16 qazan kúni Talasta ótken mıtıngti qatty synǵa alǵan. Ol kúni mıtıngke prezıdenttik saılaýdyń nátıjesimen kelispegen halyq jınalǵan bolatyn.