Japonııa úkimeti tanymal qazaqstandyq qoǵam qaıratkeri, aqyn Oljas Súleımenovti ordenmen marapattaıdy, dep habarlaıdy Qazaqstandaǵy Japonııa elshiligi.
«Búgin Japonııa úkimeti 2017 jyldyń kúzinde ordenmen marapattalatyn sheteldik azamattardyń tizimin jarııalaıdy. Orden ıegerleriniń arasynda QR azamaty, Nevada Semeı halyqaralyq qozǵalysynyń prezıdenti Oljas Súleımenov te bar», - dep habarlady japon elshiliginen.
Dıplomatııalyq mıssııanyń aqparaty boıynsha, marapat «Kúnshyǵys ordeni, Altyn shýaq» dep atalady. Japonııa ımperatorynyń atynan beriletin ordenmen Japonııamen dostyq qatynasty damytýǵa úles qosqan sheteldik azamattar marapattalady.