Ulaǵatty ustaz, ólketanýshy, dinı qaıratker Ǵazız Ámirhanulynyń ómiri men shyǵarmashylyǵyna arnalǵan «Abyroıy asqan asyl azamat» atty ǵylymı-praktıkalyq konferensııa ótti. Oǵan Almaty men Astanadan, Atyraýdan jáne Qostanaı oblysynyń aýdandary men qalalarynan bilim berý salasynyń qyzmetkerleri, ustazdyń belgili shkirtteri, jalpy jurtshylyq ókilderi qatysty.
Konferensııany Qostanaı oblysy bilim basqarmasynyń basshysy Bátıma Daýmova ashty. Munan keıin Sý jónindegi memleket aralyq sý komıssııasy ǵylymı ortalyǵynyń dırektory, professor, Oksford akademııasynyń múshesi, Qazaqstan Respýblıkasynyń burynǵy Sý sharýashylyǵy mınıstri Narıman Qypshaqbaıuly «Alǵashqy ustaz» atty baıandama jasady. Narıman bastaýysh bilimdi Ǵazız aǵaıynan alǵan bolatyn, «Ǵazız Ámirhanulynyń aldynan júzdegen shákirtter bilim aldy. Olarǵa ustazymyzdyń úlgisi kóp edi. Ol tazalyqty, qazaqı ádet-ǵurypty qatty saqtaıtyn, ásirese, dinı isterdi qoldap otyratyn. Keıingi kezde ózi de qajylyqqa baryp keldi, jas dinı mamandar daıyndap, Torǵaıda ımandylyqtyq saltanat qurýyna kóp eńbek sińirdi. Qazaqstan boıynsha alǵashqy ashylǵan meshittiń biri Torǵaı meshitine Ǵazekeńniń sińirgen eńbegi óte kóp» dedi Narıman Qypshaqbaıuly.
Munan keıin ustazdyń taǵy bir shákirti, ekonomıka ǵylymdarynyń doktory, akademık, halyqaralyq aqparattandyrý akademııasynyń akademıgi Saılaý Baızaqov sóz sóıledi. Akademık ustazynyń mektep oqýshylaryn belsendilikke, bilimge qushtarlyqqa, tazalyqqa baýlyǵan jumys isteý ádistemesine toqtaldy.
Y.Altynsarın atyndaǵy Arqalyq memlekettik pedagogıka ınstıtýtynyń professory Aısáýle Dúısebekova, Torǵaıdaǵy mýzeıler kesheniniń dırektory Gúlbaný Sársekeeva, Jankeldın aýdandyq bilim bóliminiń mamany Janat Temirova Ǵazız Ámirhanulynyń ustazdyq jáne ólketanýshylyq, uıymdastyrýshylyq isterine toqtaldy. Konferensııadan keıin oblystyq fılarmonııa ártisteri Ǵazız Ámirhanulynyń 90 jyldyq mereıli toıyna arnap konsert berdi. Ulaǵatty ustazdy eske alý sharasynyń sońynda as berilip, marqumnyń árýaǵyna quran baǵyshtaldy.
Názıra Járimbet,
«Egemen Qazaqstan»
Qostanaı