Jahandanýdyń úderisi jan-jaqtan antalap kelip, jańa tańdaýlar men talǵamdar usynyp jatqan osynaý qarbalas, qaýyrt ýaqytta árbir isti aqylmen, sabyrmen, «jeti ret ólshep, bir ǵana ke-sýdiń» úlgisimen syndarly saıasat júrgizýdiń tájirıbesin jınaqtadyq. Osy oraıda Prezıdentimiz N.Nazarbaevtyń «Bolashaqqa baǵdar: rýhanı jańǵyrý» atty tarıhı baǵdarlamalyq maqalasy zor serpin týǵyzdy.
El bolyp qalyptasyp, sony kemel keleshektiń kerýenine qosýdaǵy ártúrli fak-torlardyń biri – qazaq álipbıin ózgertý edi. Sol kúnge de jettik. Halyqaralyq qatynastaǵy úles salmaǵy seksen paıyzdan asatyn latyn álipbıin qabyldaý – tarıhı sheshim dep uqqanymyz durys.
Qazaqstan endigi ýaqytta halyqaralyq qoǵamdastyqtyń ortasynda óz bet-bedeli, óz joly bar el retinde odan tys qala almaıdy. Sol sebepti de qazaq tilin latyn álipbıine kóshirýdiń ta-rıhı mańyzy zor. Mundaı batyl sheshimge barý úshin de ýaqyttyń urymtaldyǵy, saıasattyń sarabdaldyǵy, eldik múddeniń bárinen joǵary bolmaqtyǵy kerek. Prezıdentimiz sony jaqsy uqty, paıymdady. Ony eli qoldady.
Qazaq tiliniń jańa latyn álipbıine kóshýine baılanysty tarıhı sát barshamyzdy qýantýǵa tıis. Qatyp qalǵan eshteńe joq. Artyq-kemi bolsa, júre túzeler. Oǵan ýaqyt ta bar, múmkindik te bar.
Jańa álipbı – jańa dáýirdiń basy bolǵaı!
Erbolat BAIаT,
M.Áýezov atyndaǵy Ádebıet jáne óner
ınstıtýtynyń aǵa ǵylymı qyzmetkeri
ALMATY