Saýytbek Abdrahmanov: Mem­leket­tik qyzmetke kadr irikteý múm­kindi­gin molaıtý qajet

Biraq odan da mańyzdyraq máseleni – ózińniń birtutas uly ulttyń perzenti ekenińdi umytýǵa áste bolmaıdy», dep atap kórsetken edi. Bul halyqtyń birligine tikeleı qatysty. Halyq birligin nyǵaıta berýdiń bir joly, ýaqyt synynan ótkeni – ult ókilderiniń eldiń barlyq óńirlerinde aralasyp-quralasyp ómir súrýi, barsha taraptardaǵy, barlyq deńgeıdegi kadrlar arasynda Qazaqstannyń qıyr-qıy­rynan kelgen adamdardyń bolýy. Keshegi kezeńde bul jóninen úırenerlik jaılar tabylatyn.

Mysaly, Sozaqtyń qyzynyń Almatyǵa oqýǵa túsip, ınstıtýt bitirerde kadrlyq suranysqa saı joldama boıynsha Atyraýdyń alys aýdanynan shyǵa kelýi, sol jerde jumysqa turýy, turmys qurýy, balaly-shaǵaly bolýy nemese Qostanaıdan oqýǵa kelgen jigittiń joldamamen óz ma­man­­dyǵy qajet etilip otyrǵan Shyǵys Qazaqstanǵa barýy, sol jerde úılenip, ornyǵyp qalýy qalypty jaı edi. Sondaı jaǵdaı­da halyqtyń týysqandyǵy, baýyrmaldyǵy artady, ulttyń ishki birligi kúsheıedi. О́kinishke qaraı, naryq jaǵdaıynda osy jaqsy dástúr úzilińkirep qaldy.

Jol qarajatynyń qymbattyǵyna, Astana, Almaty sııaqty iri qala­lar­da turýdyń qaltaǵa batatyndaı qıyndyǵyna, granttardyń jetimsizdigine, tıisinshe aqyly oqýǵa týra keletindigine baılanys­ty jastardyń basym kópshiligi ózderiniń oblystarynda oqyp, ony bitirgen soń óz aýdandaryna, óz aýyldaryna ǵana oralatyn bolyp barady.

Munyń ózi Prezıdent atap aıtyp, qadap kórsetip otyr­ǵan alańdatarlyq ahýalǵa – jer­shildik psıhologııasynyń dendeı bastaýyna ákelip soǵýy ábden múmkin. Máseleniń ekinshi qyry kadrlardyń maman retinde ósýine, laýazymdyq turǵy­dan joǵarylaýyna qatysty. Mı­nıstr­­­likter men vedomstvolarda oblystyq qurylymdardan aýys­qan, al oblystyq qurylym­dar­da aýdandyq deńgeıden aýys­qan kadr­lardyń az ekendigi anyq. О́ıtkeni aýdannan, oblystan kerekti kadrdy aldyrtý olarǵa oblys ortalyǵynan nemese elordadan páter berýmen, ıaǵnı ol máse­le­niń qarjylyq jaǵyn sheshý­men tikeleı baılanysty.

Osy tú­ıin tarqatylmaǵandyqtan qazir jergilikti kadrlardy kási­bı shyń­dalýǵa umtyldyryp tura­tyn tetikter álsirep barady. Aýdan­dyq deńgeıdegi qyzmetker ózin laıyq­ty tanytqan jaǵdaıda oblys­tyq deńgeıge aýysa alatynyn, oblys­tyq deńgeıden Astanaǵa kóterile ala­tynyn, jalpy adal jumys is­teý, jaqsy júrip, jaqsy turý tıi­­sin­she baǵa­lana­tynyn bilý ar­qy­ly ózin-ózi qamshylaıtyn bolady.

Bul máseleni sheshý úshin joǵary oqý oryndaryn grant bo­ıyn­­­sha bitirýshilerdi maman qajet­tigi­ne saı tıisti jerlerge joldama­men jiberý, joldamamen kel­gen jas mamandarǵa qajetti qamqor­lyq jasaý, osy maqsatpen «Dıp­lom­men – aýylǵa!», «Serpin» sııaqty baǵdarlamalardy jańa deń­geıge shyǵarý, memlekettik qyzmet­kerlerdi qyzmettik páter­­men qamtamasyz etýdiń zań­dyq tetikterin, qarjylyq kózderin tabý, kadrlar rotasııasyna júıe­li sıpat berý, sol arqyly mem­leket­tik qyzmetke kadr irikteý múm­kindi­gin molaıtý qajet ekendigi kúmáns­iz. Osy máselelerdi kórsetip, Premer-Mınıstr B.Saǵyn­taevtyń atyna saýal joldandy.

Saýytbek ABDRAHMANOV,

Májilis depýtaty