Qazaqstannyń halyq ártisi, Memlekettik syılyqtyń laýreaty Roza Rymbaeva «Týǵan jer» baǵdarlamasy aıasynda ózi týyp-ósken Jarma aýdanynyń ortalyǵy Qalbataý aýylynda jerlesterine tegin konsert berdi.
Bir jarym saǵatqa sozylǵan áserli keshti aýdannyń 500-den astam turǵyny tamashalady. Aıta keteıik, jaqynda oblysta «Meniń mektebim» aksııasy bastalǵan edi. Aýyl mektepterin túletý baǵytynda qolǵa alynǵan taǵylymdy sharaǵa arnaıy qatysqan halyq ártisi sol kezde ózi oqyǵan mektepke bir mıllıon teńge syılaıtynyn aıtqan bolatyn. Týǵan jerge taǵzym jasap, ózgelerge úlgi bolǵan ánshige jerlesteri de laıyqty qurmet kórsetti. Aýdan ákimi Nurlan Sydyqov shara barysynda perzenttik paryzyn umytpaǵan ónerpazdy 60 jyldyq mereıtoıymen quttyqtap, «Jarma aýdanynyń qurmetti azamaty» ataǵyn saltanatty túrde tabys etti.
«О́zim ómir esigin ashqan óńirge kelip, konsert bergenime, jerlesterimmen júzdeskenime shyn júrekten qýanyshtymyn. Týyp-ósken mekenim adam tanymastaı ózgergen eken. Ásirese ózim eńbek jolyn bastaǵan Mádenıet úıi de jańa kelbetke enip, bilikti ónerpazdarmen tolyǵypty. Týǵan kúnimdi jerlesterimniń ortasynda atap ótkenim úshin baqyttymyn», deıdi ánshi.
Azamat QASYM, «Egemen Qazaqstan»
Shyǵys Qazaqstan oblysy, Jarma aýdany