«Mańǵystaý oblysynyń memlekettik jekemenshik áriptestiginiń óńirlik ortalyǵy» basqarmasynyń tóraǵasy Eldan Álibekovtyń aıtýynsha, 2015 jyly jekeshelendirýdiń ekinshi tolqyny aıasynda MJÁ Ortalyǵynyń 51%-yn jeke kompanııalar jekeshelendirgen, al 49%-y «Mańǵystaý oblysynyń ekonomıka jáne bıýdjettik josparlaý basqarmasy» memlekettik mekemesine tıesili.
Qazirgi ýaqytta «Mańǵystaý oblystyq memlekettik-jeke menshik áriptestik ortalyǵy» ekonomıkanyń ártúrli salalarynda jalpy quny 273 mlrd. teńge bolatyn 47 jobalaryn iske asyrýdy daıyndaıdy jáne keńes beredi.
Mańǵystaý oblystyq bilim basqarmasy basshysy Zeınep Tastemirova tehnıkalyq jáne kásiptik bilim berý uıymdarynda mamandardy daıarlaýdy iske asyrý týraly baıandady. Búginde oblysynda 26 tehnıkalyq-kásiptik bilim berý uıymynda 22 myńǵa jýyq stýdent oqyp jatyr. Onyń 13 myńǵa jýyǵy - memlekettik tapsyrys boıynsha bıýdjet esebinen, al qalǵan 9 myńy - aqyly túrde bilim alýda. Kolledjderde bilim berý baǵdarlamalaryn baǵalaý boıynsha kezeń-kezeńmen akkredıtteý prosesi júrgizilip jatyr. Akkredıtteý bul uıymnyń qyzmetin halyqaralyq bilim berý standarttaryna sáıkestendirý. Búginde, akkredıtteýden ótken kolledjder – 5, bul respýblıkalyq kórsetkishten 9,3%-ǵa artyq. Mamandardy daıyndaý 91 mamandyqta, 169 biliktilik boıynsha iske asyrylady. 2017 jyly tehnıkalyq jáne kásiptik bilim uıymdarynda 4550 túlek bitirdi. Onyń 3599 jumysqa ornalasqandar men ózin-ózi qamtyǵandar, ıaǵnı 79,1% qamtylyp otyr. 451 stýdentti «Jańa Serpin» ortalyǵymen qaıta daıarlaýdan ótkizý arqyly jumysqa ornalastyrý jumystary júrgizilýde.
Álemdik tájirıbe - aýyl sharýashylyǵyndaǵy sandyq tehnologııany paıdalaný ulttyq ekonomıkasyna mańyzdy resýrstarynyń biri bolatyndyǵyn kórsetedi. Agro ónerkásip kesheni júıesinde jergilikti atqarýshy organdardyń bıznes-prosesterin avtomattandyrýdyń komplekstik sheshimi bolyp tabylatyn biryńǵaı avtomattandyrylǵan basqarý júıesi paıdalanylýda dedi, oblystyq aýylsharýashylyǵy basqarmasy basshysynyń mindetin atqarýshy Serik Qaldygúl. BABJ-niń 3 júıelik tarmaǵy bar. «О́simdikterdi karantıni» portaly, «Kedendik odaqtyq ónimderin tasymaldaýdaǵy veterınarlyq qaýipsizdigi» portaly, «Aýyl sharýashylyǵy tehnıkasyn memlekettik tirkeýden ótkizý» júıelik tarmaǵy. Jyldyń basynan 1088 fıtosanıtarlyq jáne 147 karantındik sertıfıkattar berilgen. Osy jyldyń 10 aı ishinde oblys boıynsha 8616 veterınarlyq anyqtamalar berilgen. 95 veterınarlyq – sanıtarlyq qorytyndylar, veterınarlyq – sanıtarlyq baqylaýdyń 91 tirkelý nómirleri. Qazirgi ýaqytta 8189 mamandyrylǵan tehnıka tirkelip tur dedi, Serik Qaldygúl.
Elimizdiń 2015-2019 jyldarǵa arnalǵan ındýstrııalyq-ınnovasııalyq damý memlekettik baǵdarlamasynda eń damyǵan 30 el qataryna ený kózdelgen. Osy maqsatta oblys boıynsha óńdeý ónerkásibi ónimderin eksporttaý 51,3%-ǵa ulǵaıtý, ınvestısııa kólemin 98 mlrd.teńgege jáne eńbek ónimdiligin bir adamǵa shaqqanda 15 myń dollarǵa jetkizý josparda bar. Búgingi tańda oblysta negizgi kapıtalǵa salynǵan ınvestısııa kólemi 2017 jyldyń 9 aı qorytyndysy boıynsha 312,9 mlrd. teńgeni qurady. Oblystyq Indýstrıalyq-ınnovasııalyq damý basqarmasy bastyǵynyń mindetin atqarýshy Nurbek Qarasaev. Respýblıkalyq deńgeıde oblys besinshi qatarda ornalasyp otyr, bul 2016 jylmen salystyrǵanda 7 % ósti – de Oblysta ornalasqan eksporttaýshy negizgi kompanııalardyń 2017 jyldyń 9 aıyna shyǵarylǵan ónim kólemi 11,2 mln. AQSh dollary (3,9 mlrd teńge), ótken jyldyń 9 aıymen salystyrǵanda 18,4% ósip otyr.
Apparattyq jıyn sońynda óńir basshysy birqatar basqarma basshylaryna naqty tapsyrma berdi, delingen baspasóz habarlamasynda.
Gúlaıym ShYNTEMIRQYZY, «Egemen Qazaqstan»