Ortalyq kommýnıkasııalar qyzmetinde Qazaqstan Respýblıkasynyń ishki ister organdary qyzmetiniń máseleleri jónindegi Qoǵamdyq keńes jumysynyń qorytyndylaryna arnalǵan baspasóz maslıhat ótti. Is-sharaǵa QR ishki ister organdary qyzmetiniń máseleleri jónindegi Qoǵamdyq keńestiń tóraǵasy Marat Qoǵamov qatysty.
«Keńestiń janynda eki komıssııa quryldy, biri – zań shyǵarý qyzmeti máseleleri boıynsha, bul komıssııa IIM ázirleıtin azamattardyń quqyqtaryna, bostandyqtaryna jáne quqyqtaryna qatysty normatıvtik quqyqtyq aktilerdiń jobalaryn qaraıdy, ekinshi komıssııa azamattardyń aryzdaryn jáne polısııa jumysynyń ashyqtyǵyn qarastyrady. Qoǵamdyq keńes Zańda kózdelgen qoǵamdyq baqylaýdyń 4 nysanyn belsendi iske asyrady. Olar, qoǵamdyq monıtorıng, qoǵamdyq tyńdaý, qoǵamdyq saraptama, memlekettik organnyń esebin tyńdaý. Qoǵamdyq monıtorıng aýmaqtyq organdardyń qyzmetin jan-jaqty zerdeleý úshin óńirlerge shyǵý jáne quqyqtyq nasıhat júrgizý arqyly júzege asyrylady. 2016-2017 jyldary 18 monıtorıng júrgizildi, ıaǵnı Qaraǵandy, Shyǵys Qazaqstan, Almaty, Qostanaı, Soltústik Qazaqstan, Batys Qazaqstan, Aqtóbe, Mańǵystaý jáne Atyraý oblystarynyń, Almaty qalasynyń IID men Jergilikti polısııa qyzmeti jumystary saralandy. Monıtorıng júrgizý kezinde Qoǵamdyq keńes músheleri bólinisterdiń jumysymen tanysty, jeke quramnyń nazaryna Keńestiń aǵymdyq jumysy, krımınaldyq sıkl salasynda alda turǵan ózgerister men tolyqtyrýlar týraly aqparat jetkizildi. Monıtorıng nátıjeleri Keńestiń otyrystarynda paıdalanyldy, qyzmettik jazbamen mınıstrge jáne oblys ákimderine baıandaldy», dep atap ótti Ishki ister organdary qyzmetiniń máseleleri jónindegi Qoǵamdyq keńestiń tóraǵasy Marat Qoǵamov.
Aıta ketetin taǵy bir jaıt, «Qoǵamdyq keńes týraly» Zańǵa sáıkes 2016 jyly IIM-de ishki ister organdarynyń qyzmeti máseleleri jónindegi qoǵamdyq keńes quryldy. Onyń quramyna 18 múshe kirdi.
Raýan QAIDAR, «Egemen Qazaqstan»