Premer-Mınıstr Baqytjan Saǵyntaevtyń tóraǵalyǵymen ótken QR Úkimeti otyrysynda «Barshaǵa arnalǵan tegin kásiptik-tehnıkalyq bilim berý» jobasyn iske asyrý barysy qaraldy. Atqarylǵan jumys týraly bilim jáne ǵylym mınıstri Erlan Saǵadıev pen eńbek jáne halyqty áleýmettik qorǵaý mınıstri Tamara Dúısenova baıandama jasady.
«Barshaǵa arnalǵan tegin kásiptik-tehnıkalyq bilim berý» jobasyn iske asyrý 2017 jyldan bastaldy. Barlyǵy 817 kolledj jumys isteıdi, olardyń 473 kolledji memlekettik, 344-i — jekemenshik. Sondaı-aq, Bilim berýdi jáne ǵylymdy damytýdyń 2016-2019 jyldarǵa arnalǵan memlekettik baǵdarlamasy sheńberinde jergilikti bıýdjet esebinen 2900 oryndyq tórt kolledjdiń qurylysy, 520 oryndyq úsh jataqhanany salý jáne jóndeý qarastyrylǵan.
TjKB oqý oryndaryna memlekettik bilim berý tapsyrysy boıynsha barlyǵy 100 815 adam qabyldandy. О́tken oqý jylymen salystyrǵanda TjKB-men kadrlar daıarlaýǵa arnalǵan memlekettik bilim berý tapsyrysynyń kólemi - 24,8 myń orynǵa ulǵaıdy.
Baǵdarlama sheńberinde oqytý qysqa merzimdi kýrstar boıynsha júzege asyrylady. 2017 jylǵa 71 myń adamdy oqytý josparlanǵan. Búgingi tańda qysqa merzimdi oqytýǵa 61 myń adam jiberildi.
Aǵymdaǵy jyly bilim berý mazmunyna ózgerister engizildi. Ol úshin túlekterge úsh jumysshy biliktiligine deıin jáne «orta býyn mamany» biliktiligin alýǵa múmkindik beretin 130 úlgilik oqý jospary men baǵdarlamasy qaıta qaraldy.
Oqý josparlarynda qaıtalanatyn pánderdi alyp tastaý, oqytý merzimderin qysqartý, jumys berýshilerdiń talaptaryna sáıkes bilim baǵdarlamalary 50%-ǵa deıin ózgertý esebinen oqý prosesi ońtaılandyryldy. Aǵymdaǵy jyldyń sońyna deıin taǵy 32 úlgilik oqý jospary men baǵdarlamasynyń jańartylýy aıaqtalady.
Qazirgi tańda 125 TjKB oqý ornynyń oqý prosesine álemdik ozyq tájirıbe negizinde ázirlengen 45 modýldik bilim berý baǵdarlamasy engizildi. Aǵymdaǵy jyly jumys berýshilerdiń usynystary negizinde Tehnıkalyq jáne kásiptik bilim berý mamandyqtary men kásipteriniń jikteýishi qaıta qaraldy.
Budan ózge, TjKB pedagogıkalyq kadrlardyń biliktiligin arttyrý boıynsha modýldik baǵdarlamalar ázirlendi. 2017 jyly osy baǵdarlamalar boıynsha 5 200 adam, onyń ishinde 300 kolledj basshysy biliktiligin arttyrdy.
Jalpy, 2021 jylǵa deıin TjKB tegin biliktiligin 720 myńnan astam azamat alady.
Eńbek jáne halyqty áleýmettik qorǵaý mınıstri Tamara Dýısenovanyń málimetine sáıkes О́nimdi jumyspen qamtý jáne jappaı kásipkerliktiń 2017-2021 jyldarǵa arnalǵan baǵdarlamasy aıasynda respýblıkalyq bıýdjet esebinen tehnıkalyq jáne kásiptik bilimi bar kadrlardy daıarlaý jáne qysqamerzimdi kásiptik bilim berý qarastyrylǵan. Baǵdarlamaǵa qatysýshylar stıpendııamen, bir rettik ystyq taǵammen, jolaqymen qamtamasyz etiledi.
О́ńirlerde 402 kolledjde qysqamerzimdi oqytýmen 60 myńnan astam adam qamtylǵan. Búgingi tańda oqytýǵa 21 myńnan astam adam ıe boldy. Budan ózge, tamyzdan bastap jumys berýshilerdiń oqý ortalyqtary bazasynda úsh myńnan astam adam oqyp jatyr.
Mobıldi oqý ortalyqtary birqatar oblystarda satyp alynǵan. Onda bes pılottyq óńirde bir jarym myń adam qamtylǵan. «Bastaý-Bıznes» jobasy boıynsha 15 myńnan astam adam oqytýmen qamtylǵan. Aǵymdaǵy jyly 26 myń jospar kezinde qysqamerzimdi kýrstarda 61 myń adam oqydy.
«Jalpy 2021 jylǵa deıin baǵdarlama boıynsha 500 myń adamdy oqytý kózdelgen», — dep atap ótti T. Dúısenova.
Atalǵan másele boıynsha sondaı-aq Jambyl oblysynyń ákimi K. Kókirekbaevtiń, Shyǵys Qazaqstan oblysynyń ákimi D. Ahmetovtiń, Qostanaı oblysy ákimi A. Muhambetovtyń esepteri tyńdaldy.
Máseleni qaraý qorytyndysy boıynsha Baqytjan Saǵyntaev tegin TjKB jobasyn iske asyrý kezindegi basty másele — jumyspen qamtý ekenin aıtty. Ekinshisi — bólinetin kredıtter somasyn arttyrý. Jobany iske asyrýdy baqylaý Premer-Mınıstrdiń orynbasary Erbolat Dosaevqa júkteldi.