Jańa maýsymda tyń jobalarmen kórermenderge jol tartqan «QAZAQSTAN» teleradıokorporasııasynyń ShQO boıynsha fılıaly endi jańa ataýmen shyqpaq.
Oblys turǵyndaryna rebrendıngten keıin jańarǵan «Altai’» telearnasy tanystyryldy. Bul týraly oblystyq aqparattyq ortalyǵy habarlady. Saltanatty sharaǵa qatysqan oblys ákiminiń birinshi orynbasary Nurymbet Saqtaǵanov telearna kórermenderi men ujymyna jańa maýsymda sáttilik tilep, lebizin bildirdi.
«Elbasynyń «Bolashaqqa baǵdar: rýhanı jańǵyrý» maqalasyn nasıhattaý turǵysynan alǵanda bul – dál ýaqytynda jasalǵan qadam. «Qazaqstan» korporasııasynyń barlyq medıaresýrstardy bir logotıp aıasynda biriktirip, ataýlaryn biryńǵaılatyn áripterimen tańbalaýy - quptarlyq sheshim. «Qazaqstan-О́skemen» telearnasyn «Altaı» dep ózgertý oryndy. О́ıtkeni, Altaı – túrki áleminiń altyn besigi. Shyǵys Qazaqstan – Kendi Altaıdyń, ór Altaıdyń júregi», – dedi Nurymbet Saqtaǵanov.
Aıta ketsek, jańa maýsymasharda «QAZAQSTAN» teleradıokorporasııasynda oryn alǵan rebrendıngten keıin birqatar telearnalardyń ataýy ózgertilip tanystyrylýda. «Altai’» telearnasy jetinshi bolyp jańa maýsymǵa aıaq basty.
Azamat QASYM, «Egemen Qazaqstan»