Búgin Úkimet Úıinde Premer-Mınıstr Baqytjan Saǵyntaev Fransııanyń Qazaqstandaǵy tótenshe jáne ókiletti elshisi Fılıpp Martınemen kezdesti.
Kezdesýde Qazaqstan men Fransııa arasyndaǵy saýda-ekonomıkalyq jáne mádenı-gýmanıtarlyq sala boıynsha yntymaq pen áriptestikti keńeıtý suraqtary talqylandy. Budan bólek, munaıhımııa, aýylsharýashylyq ónimderin óńdeý, týrızm, densaýlyq saqtaý jáne bilim berý baǵyttarynyń jańa ınvestısııalyq jobalary qaraldy.
Bıyl 9 aı ishinde eki el arasyndaǵy saýda aınalymy 2,53 AQSh dollaryna jetti, bul ótken jylǵymen salystyrǵanda 1,3 esege artyq. Qazaqstan aýmaǵynda qazir «Total», «Areva», «Danon», «Vıkat», «Pejo», «Alstom» sııaqty jáne ózge de fransýz kapıtalynyń qatysýymen 130-dan kóp kásiporyn jumys isteıdi.